တက္ကသိုလ်ဝင်စာမေးပွဲ အောင်စာရင်းများကို လာမည့် ဇွန်လ ၁၁ ရက်တွင် ထုတ်ပြန်ကြေညာမည်
![](http://nssmy.com/original_post_images/f-12224-08-06-2024666432c282361.jpg)
သန့်ဇင် (NSS) - ဇွန် ၈
ယခုနှစ် မတ်လတွင် ကျင်းပခဲ့သော တက္ကသိုလ်ဝင်စာမေးပွဲအပြင် ဧပြီလ နှင့် မေလများတွင် အထူးအစီအစဉ်တစ်ရပ်အနေဖြင့် ကျင်းပပေးခဲ့သည့် တက္ကသိုလ်ဝင်စာမေးပွဲ အောင်စာရင်းများကို ဇွန်လ ၁၁ ရက်၊ နံနက် ၆ နာရီတွင် ထုတ်ပြန်ကြေညာသွားမည် ဖြစ်ကြောင်း မြန်မာ နိုင်ငံစာစစ်ဦးစီးဌာနက သတင်းထုတ်ပြန်ထားသည်။
မြန်မာနိုင်ငံစာစစ်ဦးစီးဌာနက ယနေ့(ဇွန် ၈ ရက်)၊ နံနက်ပိုင်းတွင် အထက်ပါကဲ့သို့ ထုတ်ပြန်ကြေညာခဲ့ခြင်းဖြစ်သည်။ အဆိုပါ အောင်စာရင်းများကို သက်ဆိုင်ရာမြို့နယ်အသီးသီးရှိ စာစစ်ဌာနကျောင်းများတွင် တစ်ချိန်တည်းကပ်ထားမည်ဖြစ်သည့်အပြင် ယင်းနေ့နံနက် ၄နာရီမှစတင်ကာ မြန်မာနိုင်ငံစာစစ်ဦးစီးဌာန Website ဖြစ်သော www.myanmarexam.org တွင် ဝင်ရောက်ကြည့်ရှုနိုင်ရန် စီစဉ်သွားမည်ဖြစ်ကြောင်း သိရသည်။
ထို့ပြင် ဝေးလံသောဒေသများရှိ စာစစ်ဌာနများနှင့် အင်တာနက်အဆက်အသွယ်ကောင်းစွာ မရရှိသော စာစစ်ဌာနများ၏ အောင်စာရင်းများကို မြန်မာ့အသံရေဒီယို အစီအစဉ်မှလည်း အောင်စာရင်းထွက်သည့်နေ့တွင် ကြေညာပေးသွားမည်ဖြစ်ကြောင်း သိရသည်။
ပြီးခဲ့သည့် ၂ဝ၂၃ ခုနှစ် တက္ကသိုလ်ဝင်စာမေးပွဲအောင်စာရင်းကို ယခင်နှစ် ဇွန်လ ၉ရက်နေ့ကထုတ်ပြန်ကြေညာခဲ့ပြီး ဝင်ရောက်ဖြေဆိုသူ စုစုပေါင်း(၁၆၁၈၅ဝ)ဦး ရှိခဲ့ရာမှ အောင်မြင်သူ (၁ဝ၉၈၅၁)ဦး ရှိခဲ့ခြင်းကြောင့် အောင်ချက်ရာခိုင်နှုန်းမှာ (၆၇ ဒသမ ၈၇) ရာခိုင်နှုန်းဖြစ်ကြောင်း သိရသည်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မင်းဘူး-ပဒါန်းသွားလမ်းတွင် ခရီးသည်ကားတစ်စီးကို AA အဖွဲ့ ပစ်ခတ်မှုကြောင့် (၂)နှစ်အရွယ်ကလေးငယ် အပါအဝင် ၅ ဦး သေဆုံး
RELATED POSTS
29 Aug 2024 | ပညာရေး,ပြည်တွင်း