မြောက်ကိုရီးယားက တာတိုပစ်ပဲ့ထိန်းဒုံးကျည်အများအပြားကို ထပ်မံစမ်းသပ်ပစ်လွှတ်
Pika (NSS) - မေ ၃ဝ
မြောက်ကိုရီးယားအစိုးရဟာ မေလ(၃၀)ရက်နေ့ အစောပိုင်းမှာ တာတိုပစ် ပဲ့ထိန်းဒုံးကျည်တွေကို စမ်းသပ်ပစ်လွှတ်ခဲ့တယ်လို့ တောင်ကိုရီးယားစစ်တပ်က ပြောကြားခဲ့ပါတယ်။မြောက်ကိုရီးယားဟာ တောင်ကိုရီးယားကို အပြစ်ပေးတဲ့အနေနဲ့ အမှိုက်တွေနဲ့ဖြည့်ထားတဲ့ မိုးပျံပူဖောင်းတွေကို နယ်စပ်ကိုဖြတ်ကျော်ပြီး စေလွှတ်ပြီးတဲ့နောက် နာရီပိုင်းအကြာမှာ ယခုလို ပစ်လွှတ်မှုတွေထွက်ပေါ်လာတာဖြစ်ပါတယ်။
မြောက်ကိုရီးယားဟာ တာတိုပစ်ပဲ့ထိန်းဒုံးကျည်လို့ ယူဆထားတဲ့ ဒုံးကျည်(၁၀)စင်းကို ကိုရီးယားကျွန်းဆွယ်အရှေ့ဘက်ရေပြင်ထဲကို ပစ်လွှတ်ခဲ့တာဖြစ်တယ်လို့ တောင်ကိုရီးယားစစ်ဦးစီးချုပ်များရုံး(JCS)က ပြောကြားခဲ့ပါတယ်။ မြောက်ကိုရီးယားက ပစ်လွှတ်လိုက်တဲ့ တာတိုပစ်ပဲ့ထိန်းဒုံးကျည်တွေဟာ အကွာအဝေးကီလိုမီတာ(၃၅၀)ခန့်ပျံသန်းခဲ့တယ်လို့ (JCS) က ထပ်မံပြောကြားခဲ့ပါတယ်။ အဲဒီပစ်လွှတ်မှုကို အမေရိကန်၊ ဂျပန်တို့နဲ့အတူ ခွဲခြမ်းစိတ်ဖြာမှုတွေ လုပ်ဆောင်နေတယ်လို့ (JCS)က ပြောကြားခဲ့ပါတယ်။
JCS က'မြောက်ကိုရီးယားရဲ့ တာတိုပစ်ပဲ့ထိန်းဒုံးကျည်တွေ ပစ်လွှတ်မှုဟာ ကိုရီးယားကျွန်းဆွယ်ရဲ့ငြိမ်းချမ်းရေးနဲ့တည်ငြိမ်ရေးကို ခြိမ်းခြောက်နေတဲ့ ရန်စမှုတစ်ခုပဲဖြစ်ပါတယ်”လို့ ပြောဆိုခဲ့ပါတယ်။ ဒါ့ပြင် မြောက်ကိုရီးယားရဲ့ တာတိုပစ်ပဲ့ထိန်းဒုံးကျည်တွေ ပစ်လွှတ်မှုကို ဂျပန်ကမ်းခြေစောင့်တပ်ဖွဲ့နဲ့ ဝန်ကြီးချုပ်တို့က အတည်ပြုခဲ့တယ်လို့လည်းသိရပါတယ်။ အဲဒီပစ်လွှတ်မှုနဲ့ပတ်သက်ပြီး နောက်ထပ်သတင်းအချက်အလက်တွေကို စစ်ဆေးနေတယ်လို့လည်း ဂျပန်ကမ်းခြေစောင့်တပ်ဖွဲ့နဲ့ ဝန်ကြီးချုပ်တို့က ပြောကြားခဲ့ပါတယ်။
မေလ(၂၉)ရက်နေ့မှာ မြောက်ကိုရီးယားဟာ အိမ်သာသုံးစက္ကူတွေ၊ အမှိုက်တွေ၊ တိရစ္ဆာန်တွေရဲ့ မစင်တွေနဲ့ ဖြည့်ထားတဲ့ မိုးပျံပူဖောင်းတွေကို တောင်ကိုရီးယားဘက်ကို စေလွှတ်ပေးပို့ခဲ့တယ်လို့လည်း သိရပါတယ်။ မြောက်ကိုရီးယားရဲ့ နိမ့်ကျတဲ့လုပ်ရပ်တွေကို တောင်ကိုရီးယားစစ်တပ်က ပြစ်တင်ရှုတ်ချခဲ့တယ်လို့လည်း သိရပါတယ်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဧရာဝတီ မြစ်ဆုံ-မြစ်ညာမြစ်ဝှမ်း ရေအားလျှပ်စစ်စီမံကိန်း ပြန်လည်စတင်ရန် နိုင်ငံရေးအသိုင်းအဝိုင်းအချို့ ထောက်ခံ
RELATED POSTS
29 Aug 2024 | နည်းပညာ,နိုင်ငံတကာ
29 Aug 2024 | နည်းပညာ,နိုင်ငံတကာ
29 Aug 2024 | နည်းပညာ,နိုင်ငံတကာ
29 Aug 2024 | နည်းပညာ,နိုင်ငံတကာ