ရောင်နီ (NSS) - ဒီဇင်ဘာ ၁၉

ထိုင်းနိုင်ငံ မြောက်ပိုင်း ချင်းရိုင်မှာ ထိုင်းရိုးရာ စကားပုံတစ်ခုကို သရုပ်ဖော်ကာ ကမ္ဘာလှည့်ခရီးသွားတွေကို ဆွဲဆောင်ဖို့ စပါးခင်းတွေမှာ ပျိုးပင်တွေကို ကြောင်ပုံစံ ပုံဖော်ထားတာ တွေ့ရပါတယ်။ 

လယ်သမား တန်ရာပေါင်ဂျက်ခ်ခမ်းနဲ့ လုပ်သားအဖွဲ့တစ်ဖွဲ့ဟာ ခရီးသွား ကြောင်ချစ်သူတွေကို ဆွဲဆောင်နိုင်ဖို့ ကြောင်ရုပ်တွေကို ပုံဖော်ဖို့အတွက် မြောက်ပိုင်းခရိုင် ချင်းရိုင်ပြည်နယ်ရှိ လယ်ကွင်းအသီးသီးမှာ ပျိုးပင်တွေနဲ့ စိုက်ပျိုးပုံဖော်ခဲ့တယ်လို့ သိရပါတယ်။ 

"စပါးခင်းတွေထဲက အနုပညာကို ခရီးသွား သောင်းနဲ့ချီပြီး လာကြည့်ဖို့ ကျွန်တော်တို့ မျှော်လင့်ထားပါတယ်” လို့ ၎င်းက ဆိုပါတယ်။ 

လုပ်ငန်းစဉ်ကတော့ ပျိုးပင်တွေကို ကနဦး ပန်းချီဆရာရဲ့ ပုံကြမ်းမှာ သတ်မှတ်ထားတဲ့အတိုင်း နေရာချပြီး Global Positioning System မှ သြဒိနိတ်တွေကို အားကိုးကာ ပုံဖော်စိုက်ပျိုးခဲ့ခြင်းဖြစ်တယ်လို့ သိရပါတယ်။ 

အဆိုပါပုံရိပ်ဟာ "ရေထဲမှာ ငါးနဲ့ လယ်ကွင်းတွေရှိတယ်” ဆိုတဲ့ ထိုင်းစကားကို အခြေခံကာ ဖန်တီးထားခြင်းဖြစ်ပြီး အဆိုပါ အနုပညာလက်ရာကို လာရောက်ကြည့်ရှုသူတွေကို ပြသနိုင်ဖို့ အနီးပတ်ဝန်းကျင်မှာ မျှော်စင်တွေ တည်ဆောက်နေတယ်လို့ သိရပါတယ်။ 

အိန္ဒိယပြီးရင် ကမ္ဘာ့ဒုတိယအကြီးဆုံး ဆန်တင်ပို့တဲ့နိုင်ငံဖြစ်တဲ့ ထိုင်းနိုင်ငံဟာ ၂၀၂၃ ခုနှစ်မှာ မက်ထရစ်တန်ချိန် ၈ ဒသမ ၅ သန်းထိ ဆန်တင်ပို့နိုင်ဖို့ ရည်မှန်းထားပါတယ်။