သန့်ဇင်(NSS) - ဒီဇင်ဘာ ၅

ရှမ်းပြည်နယ်၊ ကျိုင်းတုံမြို့နယ်ရှိ ငါးကန်တစ်ခုအတွင်း၌ ဆယ်ကျော်သက်အရွယ်ကလေးတစ်ဦး ရေနစ်သေဆုံးသွားခဲ့ကြောင်း တိုင်းနေနာရေးကူညီမှုအသင်းထံမှ သိရသည်။

ရေနစ်သေဆုံးမှုဖြစ်စဉ်သည်သည် ယနေ့(ဒီဇင်ဘာလ ၅ ရက်)၊ မွန်းလွဲ ၁နာရီခွဲအချိန်ခန့်တွင် ကျိုင်းတုံမြို့နယ်၊ လွိုင်မွေအတက်လမ်းရှိ ငါးကန်ဟောင်းတစ်ခုတွင် ဖြစ်ပွားခဲ့ခြင်းဖြစ်ကြောင်း သိရသည်။

“ကျွန်တော်တို့ကိုလည်း မီးသတ်ကလှမ်းခေါ်တာနဲ့ ရောက်သွားတာ။ သေဆုံးသူက ကလေးပါ။ ရေနစ်တဲ့အကြောင်းကိုတော့ သေချာမသိရပေမယ့် ရေကူးရင်းနစ်တဲ့သဘောပါ”ဟု တိုင်းနေနာရေးကူညီမှုအသင်းမှတာဝန်ရှိသူတစ်ဦးက NSS ကိုပြောသည်။

အဆိုပါရေနစ်သေဆုံးသူအမျိုးသားသည် အသက်(၁၀)နှစ်ကျော်ဝန်းကျင်ဖြစ်ပြီး ရေဆင်းကူးစဉ်ရေနစ်သေဆုံးသွားခဲ့သည်ဟု ယူဆရကြောင်း အထက်ပါနာရေးကူညီမှုအသင်းက ပြောသည်။

ထို့ကြောင့် သေဆုံးသူအမျိုးသား၏ရုပ်အလောင်းအား တိုင်းနေနာရေးကူညီမှုအသင်းမှ ကျိုင်းတုံမြို့နယ်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။