ရောင်နီ (NSS) - နိုဝင်ဘာ ၃ဝ  

ထူးထူးဆန်းဆန်းနဲ့ ရူးရူးမိုက်မိုက်လုပ်ဆောင်ရတဲ့အရာတွေကို ကြိုက်နှစ်သက်သူတစ်ဦးဖြစ်တဲ့ TikToker ကွက်ဂါလ်ဖော့ဟာ သူကြိုက်နှစ်သက်တဲ့ မျက်လုံးအမည်းရောင် တက်တူးတွေအတွက် ဒေါ်လာ ၁ဝဝဝဝ  အကုန်အကျခံကာ ထိုးနှံခဲ့ပါတယ်။  

TikTok  ဆိုရှယ်မီဒီယာပလပ်ဖောင်းပေါ်မှာ Follower တစ်သန်းနီးပါးရှိတဲ့ ဖော့ဟာ ခေါင်းအစ ခြေအဆုံး၊ တစ်ကိုယ်လုံး တက်တူးထိုးရတာ ကြိုက်နှစ်သက်သူဖြစ်ပြီး ယခုအခါမှာလည်း စွန့်စားမှုတစ်ခုအနေနဲ့ မျက်လုံး တက်တူးတွေ ထိုးနှံထားခဲ့ပါတယ်။ သူ့မျက်လုံးရဲ့အဖြူသားတွေ အားလုံးကို အနက်ရောင်မှင်နဲ့ ဖုံးအုပ်ထားပါတယ်။ ဒီတက်တူးကို တက်တူးပညာရှင် ကော်ဘရာလူနာက ထိုးနှံပေးခဲ့တာပါ။ ဖော့ဟာ ဒီလိုအမည်းရောင် မျက်လုံးတက်တူးထိုးဖို့ တစ်လလောက် စဉ်းစားခဲ့ရပြီး စုစုပေါင်းဒေါ်လာ ၁ဝဝဝဝ အကုန်အကျခံကာ ထိုးနှံခဲ့ခြင်း ဖြစ်ပါတယ်။ ဒီတက်တူးကတော့ အလွယ်တကူ ပြန်ဖယ်ရှား၊ ဖျင်ပစ်လို့ မရနိုင်ဘူးလို့ သိရပါတယ်။  

ဖော့ဟာ နိုဝင်ဘာ ၄ ရက်က ၎င်းတင်ခဲ့တဲ့ Tik Tok ဗီဒီယိုတစ်ခုမှာ အဆိုပါတက်တူးထိုးနှံခဲ့ခြင်းအတွက် ကျေနပ်ဝမ်းသာမိကြောင်း ပြောကြားခဲ့ပါတယ်။