ဖူးပြည့် (NP News) - မတ် ၉

ချေးငွေရယူခဲ့သည့် ရုပ်ရှင်၊ ဂီတ၊ သဘင်၊ စာနယ်ဇင်း နှင့် မီဒီယာကဏ္ဍမှ ကုမ္ပဏီ/လုပ်ငန်းများအနက် အတိုးများအား ကာလစေ့‌ရောက်သည့်နေ့တွင် ပေးဆပ်ပြီးဖြစ်သည့် လုပ်ငန်းများ ချေးငွေပြန်ဆပ်ရန် ကာလကို တစ်နှစ်သက်တမ်းတိုးပေးလိုက်ကြောင်း သိရသည်။

ကိုဗစ်-၁၉ ကြောင့်ဖြစ်ပေါ်လာနိုင်သည့် စီးပွားရေးသက်ရောက်မှုများအပေါ် ကုစားရေးလုပ်ငန်းကော်မတီ က မတ်လ ၈ ရက်က အထက်ပါကဲ့သို့ကြေညာခဲ့ခြင်းသည်။

မြန်မာ့စီးပွားရေးဘဏ်က ၂ဝ၂၂ ခုနှစ် အောက်တိုဘာလ ၃၁ ရက်အထိ ရုပ်ရှင်၊ ဂီတ၊ သဘင်၊ စာနယ်ဇင်း နှင့်မီဒီယာကဏ္ဍမှ ကုမ္ပဏီ/လုပ်ငန်း စုစုပေါင်း (၈၇၉)ခုအား ငွေကျပ် (၁၃ ဒသမ ၁၃၂၅)ဘီလျံ ချေးပေးခဲ့ကြောင်းသိရသည်။ 

သို့သော် လက်ရှိတွင် ကိုဗစ်-၁၉ ကပ်ရောဂါကြောင့် စီးပွားရေးလုပ်ငန်းများ ထိခိုက်မှုများထပ်မံရှိနေခြင်း ကြောင့် စီးပွားရေးလုပ်ငန်းများ ငွေကြေးလည်ပတ်မှု အဆင်ပြေချောမွေ့စေရေးအတွက် ချေးငွေပြန်လည် ပေးဆပ်ရန် ကာလစေ့ရောက်သည့်နေ့မှစ၍ နောက်ထပ်တစ်နှစ် သက်တမ်းတိုးမြှင့်ပေးရန် နစက ဘက်က လမ်းညွှန်ပေးခဲ့ခြင်းဖြစ်ကြောင်း သိရသည်။

အဆိုပါ သက်တမ်းတစ်နှစ်တိုးပေးသူများတွင် အတိုးများအား ကာလစေ့‌ရောက်သည့်နေ့တွင် ပေးဆပ်ပြီး သူနှင့် ချေးငွေအား ရည်ရွယ်ချက်အတိုင်း ထိရောက်အောင် ဆောင်ရွက်လျက်ရှိသည့် ကုမ္ပဏီ/လုပ်ငန်း သာ အကျုံးဝင်မည်ဖြစ်ကြောင်း ကိုဗစ်-၁၉ ကြောင့်ဖြစ်ပေါ်လာနိုင်သည့် စီးပွားရေးသက်ရောက် မှုများအပေါ် ကုစားရေးလုပ်ငန်းကော်မတီက အသိပေးထားသည်။ 

ကိုဗစ်-၁၉ ကပ်ရောဂါကြောင့် စီးပွားရေးထိခိုက်မှုများကို ပြန်လည်ကုစားနိုင်ရေးအတွက် ရုပ်ရှင်၊ ဂီတ၊ သဘင်၊ စာနယ်ဇင်း နှင့်မီဒီယာကဏ္ဍမှ ထိခိုက်မှုအများဆုံးဖြစ်သည့် လုပ်ငန်းများအား ကိုဗစ်-၁၉ ရန်ပုံငွေ မှ ချေးငွေသက်တမ်းတစ်နှစ်ကို အတိုးနှုန်း (၁)ရာခိုင်နှုန်း သတ်မှတ်ပြီး ၂ဝ၂၂ ခုနှစ် ဇန်နဝါရီလ ၂၈ ရက်မှစတင်၍ ချေးငွေများခွင့်ပြုထုတ်ချေးပေးခဲ့ခြင်းဖြစ်သည်။ 

ထို့ပြင် ချေးငွေ အရင်း၊ အတိုး ပြန်လည်ပေးဆပ်ရန် ပျက်ကွက်ပါက ချေးငွေ သဘောတူစာချုပ်ပါ အတိုင်း ဘဏ်လုပ်ထုံးလုပ်နည်းနှင့်အညီ တရားမကြောင်းအရ အရေးယူဆောင်ရွက်သွားမည်ဖြစ်ကြောင်း သိရ သည်။