စော(NSS) - နိုဝင်ဘာ ၁၃

မလေးရှားနိုင်ငံတွင် သမီးရည်းစားချင်းစကားများရန်ဖြစ်ပြီးနောက် မြန်မာအမျိုးသားတစ်ဦး ကြိုးဆွဲချအဆုံးစီရင်ခဲ့ကြောင်း မြန်မာလူမှုကူညီရေးအသင်း (မလေးရှား)ထံမှ သိရသည်။

မြန်မာလူမှုကူညီရေးအသင်း(မလေးရှား)က ယနေ့(နိုဝင်ဘာလ ၁၃ ရက်)တွင် အထက်ပါကဲ့သို့ အသိပေးထုတ်ပြန်ထားခြင်းဖြစ်သည်။

မလေးရှားနိုင်ငံ၊ စလန်းကောပြည်နယ်၊ ရာဝမ်းမြို့တွင်နေထိုင်သူ မြန်မာနိုင်ငံသားသည် ယမန်နေ့ (နိုဝင်ဘာလ ၁၂ရက်)ညတွင် မြန်မာနိုင်ငံရှိ ချစ်သူနှင့် စကားများပြီးနောက် စက်ရုံ၌ တစ်ယောက်ထဲရှိနေချိန်တွင် ကြိုးဆွဲချအဆုံးစီရင်သွားကြောင်း သိရသည်။

သေဆုံးသူ၏ သူငယ်ချင်းဖြစ်သူသည် ညစာစားရန်အတွက် ဈေးဝယ်ပြီး စက်ရုံသို့ ပြန်လာချိန်တွင် ၎င်းဆွဲကြိုးချအဆုံးစီရင်သွားသည်ကို တွေ့ရှိရသဖြင့် မြန်မာလူမှုကူညီရေးအသင်းအား အကူအညီတောင်းခံခဲ့ကြောင်း သိရသည်။

သေဆုံးသူမြန်မာနိုင်ငံသားသည် ကိုနေရှိုင်းကို (၂၃)နှစ်ဖြစ်ပြီး မန္တလေးတိုင်း၊ မြင်းခြံမြို့နယ်၊ တောင်ကျွန်းရွာတွင် နေထိုင်ခဲ့သူဖြစ်ကြောင်း သိရသည်။