Pearl (NP News) - မတ် ၁

ရန်ကုန်တိုင်း၊ တောင်ဥက္ကလာပမြို့နယ်တွင် ကားတစ်စီး မီးလောင်မှုဖြစ်ပွားခဲ့ကြောင်း ရွှေရောင်တွဲလက်လူမှုကူညီရေးအသင်းထံမှ သိရသည်။

ဖြစ်စဉ်မှာ ဖေဖော်ဝါရီလ (၂၈)ရက်၊ ည(၈)နာရီဝန်းကျင်ခန့်တွင် တောင်ဥက္ကလာပမြို့နယ်၊ အမှတ်(၇) ရပ်ကွက်၊ သစ္စာလမ်းမပေါ်တွင် အထက်ပါကဲ့သို့ ဖြစ်ပွားခဲ့ကြောင်း သိရသည်။ 

"မနေ့က ည(၈)နာရီလောက်က ဖြစ်တာ။ ကားက အရှိန်လွန်ပြီး ခြံစည်းရိုးကိုတိုက်မိတယ်၊ ပြီးတော့ မီး လောင်သွားတာ၊ ယာဉ်မောင်း အမျိုးသားတစ်ဦး ဆုံးသွားပါတယ်၊ Dead Body ကို ကျွန်တော်တို့မိတ်ဖက်ဖြစ်တဲ့ လူမှုကူညီရေးအသင်းက စံပြဆေးရုံ ရင်ခွဲရုံကို ပို့ဆောင်ပေးထားပါတယ်"ဟု ရွှေရောင်တွဲလက်လူမှုကူညီရေးအသင်း၏ တာဝန်ရှိသူတစ်ဦးမှ NP News ကိုအတည်ပြုပြောဆိုထားပါသည်။ 

အဆိုပါ မီးလောင်မှုကြောင့် ယာဉ်မောင်းအမျိုးသားတစ်ဦးသေဆုံးသွားခဲ့ပြီး Dead Body အား စံပြဆေးရုံရင်ခွဲရုံသို့ ပို့ဆောင်ပေးခဲ့ကြောင်း သိရသည်။