NSS - အောက်တိုဘာ ၂၃

မနက်ဖြန် (အောက်တိုဘာလ ၂၄ ရက်)မှ စတင်ကာ ထောင်ဝင်စာတွေ့ခွင့် ပြန်လည်ခွင့်ပြုမည်ဟု နစက၏ သတင်းထုတ်ပြန်ရေးအဖွဲ့က ဖြေကြားထားသည်။

ထောင်ဝင်စာတွေ့ခွင့်လျှေက်ထားလိုသူများသည် အကျဉ်းသား၊ အကျဉ်းသူ ပါဝင်သော အိမ်ထောင်စုဇယား၊ မှတ်ပုံတင်၊ ကိုဗစ်ကာကွယ်ဆေးနှစ်ကြိမ် ထိုးပြီးကြောင်း လက်မှတ်တို့ ပူးတွဲတင်ပြကာ အကျဉ်းဦးစီးဌာန၏ သက်ဆိုင်ရာအကျဉ်းထောင်များတွင် ထောင်ဝင်စာတွေဆုံခွင်လျှောက်ထား ရမည်ဖြစ်ကြောင်း သိရသည်။

၂၀၂၀ ပြည့်နှစ်မတ်လမှစတင်ပြီး ကိုဗစ်-၁၉ ကပ်ရောဂါကူးစက်မှုထိန်းချုပ်ရေးအတွက် ထောင်ဝင်စာတွေဆုံခွင့်ပိတ်ပင်ထားခဲ့ရာ လက်ရှိအချိန်အထိ စုစုပေါင်းသုံးနှစ်ခွဲခန့်ကြာမြင့်ပြီဖြစ်ကြောင်း သိရသည်။

ထောင်ဝင်စာတွေ့ဆုံခွင့်အရ နှစ်ပတ်လျှင်တစ်ကြိမ် သက်ဆိုင်ရာအကျဉ်းထောင်များတွင် ပြန်လည်ခွင့်ပြုပေးမည်ဖြစ်ရာ အကျဉ်းသား၊ အကျဉ်းသူများအတွက် ကျန်းမာရေးနှင့် အခြားလိုအပ်ချက်များကို မိသားစုများမှ သိရှိခွင့်ရမည်ဖြစ်သည်။

အမိန့်ကျပြီး အကျဉ်းသား၊ အကျဉ်းသူများကို တွေဆုံခွင့်နှင့် အချုပ်ကျနေသော အကျဉ်းသားများတွေဆုံခွင့် နှစ်မျိုးလုံးအတွက် ခွင့်ပြုမည်ဖြစ်သော်လည်း သက်ဆိုင်ရာက လုံခြုံရေးအရ စစ်ဆေးမေးမြန်းနေဆဲ အချုပ်ကျသူများကိုမူ တွေဆုံခွင့်ရမည်မဟုတ်ကြောင်း သိရသည်။