Pearl (NSS) - စက်တင်ဘာ ၂၆

အသက် (၂၁)နှစ်အရွယ်အမျိုးသမီးတစ်ဦး သင်္ဃန်းကျွန်းမြိုနယ်ရှိ ငမိုးရိပ်တံတားပေါ်မှ ခုန်ချမှုဖြစ်ပွားခဲ့ကြောင်း သုဝဏ္ဏပရဟိတ အသင်းထံမှ သတင်းရရှိသည်။ 

ဖြစ်စဉ်မှာ ယမန်နေ့ (စက်တင်ဘာလ ၂၅ ရက်) ၊ ညနေ (၆)နာရီ အချိန်ခန့်တွင် ရန်ကုန် တိုင်း၊ သင်္ဃန်းကျွန်းမြို့နယ်၊ ကြီးပွားရေးရပ်ကွက်၊ ငမိုးရိပ်ပြည်ထောင်စုဂုံးကျော်တံတား (တံတားဖြူ)တွင် အထက်ပါကဲ့သို့ ဖြစ်ပွားခဲ့ကြောင်းသိရသည်။ 

အင်္ကျီအဖြူရောင် နှင့် ဘောင်းဘီ အနက်ရောင်ဝတ်ဆင်ထားသော အသက် (၂၁)နှစ်ဝန်း ကျင်အရွယ် အမျိုးသမီးတစ်ဦးသည် အဆိုပါ တံတားပေါ်မှခုန်ချသွားခဲ့ကြောင်း သိရသည်။

"စက်ဘီးသမားတစ်ယောက်အကြောင်းကြားလို့ ကျွန်တော်တို့ သိရတာပါ။ အဲဒီစက်ဘီးသမားက စက်ဘီးနင်းလာတုန်း သူက ဘောင်ပေါ်မှာ မတ်တပ်ရပ်နေတာ ပြီးမှ ဘောင်ပေါ်ကနေ ဝုန်းဆိုပြီး ခုန်ချသွားတာကို လှမ်းမြင်လိုက်တာ၊ ခုန်ချသွားတာ ဘယ်သူလဲ ဆိုတာတော့ မသိရသေးဘူး၊ ပိုင်ရှင်မဲ့ပေါ့"ဟု အထက်ပါအသင်း၏ တာဝန်ရှိသူတစ်ဦးက NSS ကို ပြောသည်။ 

လက်ရှိတွင် သုဝဏ္ဏပရဟိတအသင်းမှ ၎င်းအား  ရှာဖွယ်ရေးလုပ်ငန်းများ ဆောင်ရွက်လျက်ရှိပြီး ၎င်း၏ မိသားစုများအား စုံစမ်းလျက်ရှိကြောင်း သိရသည်။