ဂျန်ဇက် (NSS) - စက်တင်ဘာ ၂၂ 

တရုတ်နိုင်ငံအနေနဲ့ ထိုင်ဝမ်နဲ့ ပြန်လည်ပေါင်းစည်းမယ်ဆိုတဲ့ ပြင်းပြတဲ့စိတ်ဓါတ်ကို လျော့မတွက်စေလိုကြောင်း၊ ထိုင်ဝမ် နဲ့ ပြန်လည်ပေါင်းစည်းနိုင်အောင်ငြိမ်းချမ်းစွာလုပ်ဆောင်သွားမှာဖြစ်ကြောင်း တရုတ် ဒုတိယသမ္မတ Han Zheng က ထုတ်ဖော်ပြောကြားလိုက်ပါတယ်။

တရုတ် ဒုတိယမ္မတဟာ ကုလသမဂ္ဂညီလာခံမှာ မိန့်ခွန်းပြောဆိုချိန်အတွင်း  ထိုင်ဝမ်အရေးနဲ့ပတ်သက်ပြီး အခုလိုမျိုးထည့်သွင်းပြောဆိုခဲ့တာဖြစ်ပါတယ်။

၎င်းက "တရုတ်နိုင်ငံ ပိုင်နက်၊ အချုပ်အခြာအဏာ ဘေးကင်းလုံခြုံမှုရှိစေဖို့ တရုတ်ပြည်သူရဲ့အင်အား၊ ပြင်းပြတဲ့ စိတ်ဆန္ဒတွေ နဲ့ ပြဿနာတွေကိုဖြေရှင်းဖို့ကြိုးပမ်းနေတာတွေကို ဘယ်သူမှ လျော့မတွက်သင့်ဘူး၊ တရုတ်နိုင်ငံရဲ့ပြီးပြည်စုံတဲ့ ပြန်လည်ပေါင်းစည်းမှုတွေဟာ တရုတ်နိုင်ငံသားအားလုံးရဲ့ တူညီတဲ့ဆန္ဒဖြစ်တယ်။ ကျွန်တော်တို့ဟာ ထိုင်ဝမ်နဲ့ငြိမ်းချမ်းစွာ ပြန်လည်ပေါင်းစည်းနိုင်ဖို့ ကြီးမားတဲ့ ရိုးသားမှုတွေအပြင် ဦးစားပေးကြိုးပမ်းမှုများအဖြစ် ဆက်လက်လုပ်ဆောင်သွားမှာပါ" လို့ ပြောပါတယ်။

တရုတ်နိုင်ငံက ထိုင်ဝမ်ဟာ ၎င်းတို့ပိုင်နက်နယ်ဖြစ်တယ်လို့ ပြောဆိုထားပြီး ထိုင်ဝမ်ကတော့ တရုတ်လက်အောက်က ခွဲထွက်ကာ ကိုယ်ပိုင်လွတ်လပ်ရေးရယူနိုင်ဖို့ ကြိုးပမ်းနေကြောင်း သိရပါတယ်။ ကမ္ဘာနိုင်ငံအများစုဟာ ထိုင်ဝမ်ထက် တရုတ်ကို  နိုင်ငံအဖြစ်အသိမှတ်ပြုထားပေမယ့် အမေရိကန် အပါအဝင် နိုင်ငံအချို့ဟာ ထိုင်ဝမ်နဲ့ တရားမဝင်တဲ့ဆက်ဆံရေးများ လုပ်ဆောင်နေဆဲဖြစ်ကြောင်း သိရပါတယ်။ 

အမေရိကန်ဟာ ထိုင်ဝမ်ကို စစ်လက်နက်ပစ္စည်းများကူညီထောက်ပံ့ပေးလျက်ရှိနေကြောင်း သိရပါတယ်။ထိုင်ဝမ်ဟာ လွတ်လပ်ရေးကြေညာခဲ့မယ်ဆိုရင် တရုတ်နိုင်ငံဘက်က စစ်ရေးအင်အားသုံးဖြေရှင်းလာမှာကို စိုးရိမ်မိကြောင်း အမေရိကန်အစိုးရတာဝန်ရှိသူအချို့က ပြောပါတယ်။