မိတ္ထီလာမြို့နယ်တွင် အမျိုးသမီးတစ်ဦး ကားတိုက်ခံရ၍ စိုးရိမ်ဖွယ်ဒဏ်ရာများရရှိ
သန့်ဇင် (NSS) - စက်တင်ဘာ ၂၀
မန္တလေးတိုင်း၊ မိတ္ထီလာမြို့နယ်တွင် အမျိုးသမီးတစ်ဦး ကားတိုက်ခံရမှုကြောင့် စိုးရိမ်ဖွယ်ဒဏ်ရာများရရှိခဲ့ကြောင်း ဒေသခံလူမှုကူညီရေးအသင်းထံမှ သိရသည်။
ဖြစ်စဉ်မှာ ယနေ့(စက်တင်ဘာလ ၂၀ ရက်) မွန်းလွဲအချိန်တွင် မိတ္ထီလာမြို့နယ်၊ ရေချိုးကျေးရွာ၊ တံတားအနီးတွင်ဖြစ်ပွားခဲ့ကြောင်းသိရသည်။
“ဘယ်လိုဖြစ်ပြီး တိုက်လဲတော့ ကျွန်တော်တို့လဲမသိရပါဘူး။ ကားကတိုက်ပြီးမောင်းပြေးသွားတာပါ။ အတိုက်ခံရတဲ့ အမျိုးသမီးက စိုးရိမ်ရပါတယ်”ဟု ဒေသခံလူမှုကူညီရေးအသင်းမှတာဝန်ရှိသူတစ်ဦးက NSS ကိုပြောသည်။
အဆိုပါကားတိုက်ခံရမှုကြောင့် အသက်(၃၅)နှစ်ဝန်းကျင်အမျိုးသမီးသည် ဦးခေါင်းခွံကွဲဒဏ်ရာရရှိခဲ့ပြီး လက်ရှိအချိန်ထိ သတိလစ်လျက်ရှိကာ စိုးရိမ်ဖွယ်အခြေအနေရှိကြောင်း သိသည်။
ထို့နောက် ကားတိုက်ခံရသည့် အမျိုးသမီးအား မိတ္ထီလာမြို့နယ်ပြည်သူ့ဆေးရုံသို့ပို့ဆောင်ပေးခဲ့ပြီး ထိုမှတစ်ဆင့် နေပြည်တော်ဆေးရုံကြီးသို့ လွှဲပြောင်းပို့ဆောင်ထားကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဒလမြို့နယ်ရှိ သမ္မတကမ်းခြေ၌ မြစ်ကမ်းပါပြိုကျမှုဖြစ်ပွားခဲ့ရာ လူနေအိမ်အချို့မျောပါမှုများရှိခဲ့
RELATED POSTS
22 Nov 2024 | မှုခင်း,ပြည်တွင်း
