ယွန်း (NSS) -  စက်တင်ဘာ ၁၈

KIA၊ PDF တို့က လုပ်ကိုင်ခွင့်ပြုထားခြင်းကြောင့် ရွှေကူမြို့၌ တရားမဝင်ရွှေတူးဖော်နေသည့် ဖောင်များ၊ လှေများကို စတင်ရှင်းလင်းနေကြောင်း ယနေ့(စက်တင်ဘာလ ၁၈ ရက်)တွင် နစကမှ မီဒီယာများကို အသိပေးထုတ်ပြန်ထားသည်။

ကချင်ပြည်နယ်၊ ဗန်းမော်ခရိုင်၊ ရွှေကူမြို့၊ ဧရာဝတီမြစ်အတွင်း၌ တရားမဝင်ရွှေတူးဖော်လျက်ရှိသည့် ရွှေဖောင်များ၊ စက်များ၊ လှေများကို မြောက်ပိုင်းတိုင်းစစ်ဌာနချုပ်၏ အစီအမံဖြင့် ပေါင်းစပ်ညှိနှိုင်းကာ စတင်ရှင်းလင်းမှုများ ဆောင် ရွက်နေကြောင်း သိရသည်။

ကချင်ပြည်နယ်အတွင်းရှိ တရားမဝင်သတ္တုတူးဖော်မှု နှင့် ရွှေကျင်မှုများကို ဌာနဆိုင်ရာများနှင့်ပူးပေါင်း၍ ရှင်းလင်း‌ ဆောင်ရွက်သွားမည်ဖြစ်ကြောင်း ကချင်ပြည်နယ်အစိုးရအဖွဲ့က ပြီးခဲ့သည့် စက်တင်ဘာလ(၁၆)ရက်က ထုတ်ပြန်ထားသည်။

ကချင်ပြည်နယ်၊ ဗန်းနော်မြို့နယ်နှင့် ရွှေကူမြို့နယ်တို့တွင် မြစ်အတွင်း တရားမဝင်ရွှေကျင်မှုများရှိနေပြီး အဆိုပါလုပ်ငန်းများဆောင်ရွက်နေသည့် စက်လှေ၊ စက်များ၊ ဖောင်များကို ဖမ်းဆီးခြင်း၊ ဖျက်ဆီးခြင်းဖြင့် အရေးယူမှုများကို ဆောင်ရွက်ခဲ့ကြောင်း သိရသည်။

သို့သော် ဒေသတွင်းရှိ KIA၊ PDF များက ဆက်ကြေးကောက်ယူ၍ လုပ်ငန်းလုပ်ကိုင်ခွင့်များကို ခွင့်ပြုထားခြင်းများရှိနေကြောင်း သိရသည်။