ရောင်နီ (NSS) - စက်တင်ဘာ ၁၇

         အိုင်ယာလန် ခရီးသွားတစ်ဦးဟာ ဘယ်လ်ဂျီယံနိုင်ငံ၊ ဘရပ်ဆဲလ်မှာ မကြာသေးမီက ပြန် လည်ပြုပြင်ထားတဲ့ ရုပ်တုရဲ့တစ်စိတ်တစ်ပိုင်းကို ဖျက်ဆီးခဲ့တဲ့အတွက် ယူရို ၁၇,၆၀၀ (စင်ကာပူဒေါ်လာ ၂၆,၀၀၀ ခန့်) ဒဏ်ကြေးငွေ ပေးချေရဖွယ်ရှိတယ်လို့ သိရပါတယ်။ 

ဒီအဖြစ်အပျက်ဟာ ပြီးခဲ့တဲ့ တနင်္ဂနွေနေ့ (စက်တင်ဘာလ ၁၀ ရက်)က ဖြစ်ပွားတာဖြစ်ပါတယ်။ အိုင်ယာလန်နိုင်ငံသားဖြစ်တဲ့ အဆိုပါအမျိုးသားဟာ အရက်မူးပြီး ဓာတ်ပုံရိုက်ဖို့ ရည်ရွယ်ချက်နဲ့ ခြင်္သေ့တစ်ကောင်နဲ့အတူ မီးရှူးတိုင်ကိုင်ဆောင်ထားတဲ့ လူတစ်ဦးပုံရိပ် ထွင်းထုထားတဲ့ ရုပ်တုပေါ်တက်ခဲ့ပါတယ်။ အွန်လိုင်းမှာ ပျံ့နှံ့နေတဲ့ ဗီဒီယိုတစ်ခုမှာတော့ ဧည့်သည်ဟာ ရုပ်ထုပေါ်ကနေ ဆင်းဖို့ကြိုးစားနေတာကို မြင်တွေ့ခဲ့ရပါတယ်။ 

၎င်းကိုနောက်ပိုင်းမှာ စားသောက်ဆိုင်တစ်ဆိုင်မှာ ဖမ်းဆီးခံခဲ့ရတယ်လို့ သိရပါတယ်။ အ ဆောက်အဦး စီမံခန့်ခွဲမှုအဖွဲ့က ရုပ်တုပျက်စီးမှုအတွက် ပြုပြင်မှုကုန်ကျစရိတ်ပေးဆောင်ဖို့ အဆိုပါ ခရီးသွားဧည့်သည်ကို တောင်းဆိုထားကြောင်း သိရပါတယ်။ ပျက်စီးသွားတဲ့ အဆိုပါ ရုပ်တုဟာ ဘယ်လ်ဂျီယံမြို့တော်ရှိ The Bourse လို့ လူသိများတဲ့ စတော့အိတ်ချိန်း အ ဆောက်အအုံ အပြင်ဘက်မှာ တည်ရှိပါတယ်။ ရုပ်တုဟာ ယူရိုသန်း ၉၀ (စင်ကာပူဒေါ်လာ ၁၃၁ သန်း) ကုန်ကျခံပြီး သုံးနှစ်ကြာ ပြန်လည်မွမ်းမံရေးစီမံကိန်းကြီး ပြီးဆုံးလို့ အဆိုပါ ဧည့်သည် ဓာတ်ပုံတက်မရိုက်ခင် တစ်ရက်အလိုမှ အများပြည်သူအတွက် ပြန်ဖွင့်လှစ်ပေးထားတာ ဖြစ်ပါတယ်။  

       အဆောက်အအုံနဲ့ ရုပ်တုတွေဟာ အမွေအနှစ်စာရင်းဝင်တွေ ဖြစ်တယ်လို့ ပြန်လည်ထူ ထောင်ရေး ပရောဂျက်မန်နေဂျာ မစ္စတာနယ်လ်ဗန်ဒါဗန်နက်က ပြောကြားခဲ့ပါတယ်။ အခု ဧည့်သည်လုပ်ရပ်ကြောင့် ပျက်စီးမှုဟာ ပြန်လည်ပြင်ဆင်ဖို့ အနည်းဆုံး ရက်သတ္တပတ်အနည်းငယ် သို့မဟုတ် လအနည်းငယ်ကြာနိုင်တယ်လို့ ၎င်းက မှတ်ချက်ပြုခဲ့ပါတယ်။