လားရှိုးမြို့ရှိ ဆောက်လုပ်ဆဲတိုက်ပေါ်မှ အမျိုးသားတစ်ဦး ပြုတ်ကျသေဆုံးမှုဖြစ်ပွား
သန့်ဇင်(NSS) - စက်တင်ဘာ ၇
ရှမ်းပြည်နယ်(မြောက်ပိုင်း)၊ လားရှိုးမြို့ရှိ ဆောက်လုပ်ဆဲ တိုက်ပေါ်မှ အမျိုးသားတစ်ဦး ပြုတ်ကျသေဆုံးမှုဖြစ်ပွားခဲ့ကြောင်း လားရှိုးလူငယ်များလူမှုကူညီရေးအသင်းထံမှ သိရသည်။
ဖြစ်စဉ်မှာ ယနေ့ (စက်တင်ဘာလ ၇ရက်)၊ နံနက် ၇နာရီအချိန်တွင် လားရှိုးမြို့၊ ရပ်ကွက်(၅)၊ ၁၉လမ်းနှင့် ၃၈လမ်းရှိ ဆောက်လုပ်ဆဲ တိုက်တစ်လုံးတွင်ဖြစ်ပွားခဲ့ကြောင်း သိရသည်။
“တိုက်ပေါ်က ပြုတ်ကျတဲ့အမျိုးသားက အဲဒီတိုက်ဆောက်လုပ်ရေးက ဝန်ထမ်းပါ။ ခုတော့ ဆေးရုံကိုပို့ထားပါတယ်” ဟု လားရှိုးလူငယ်များလူမှုကူညီရေးအသင်းမှ တာဝန်ရှိသူတစ်ဦးက NSS ကိုပြောသည်။
တိုက်ပေါ်မှ ပြုတ်ကျ၍သေဆုံးသွားသည့် အမျိုးသားသည် အသက်(၂၀)ကျော်အရွယ်ဖြစ်ပြီး အထက်ပါရပ်ကွက်ရှိ ဆောက်လုပ်လျက်ရှိသော(၃)တိုက်မှ ဆောက်လုပ်ရေးဝန်ထမ်းတစ်ဦးဖြစ်ကြောင်း သိရသည်။
သေဆုံးသူလူငယ်အမျိုးသားအား လားရှိုးလူငယ်များလူမှုကူညီရေးအသင်းမှကားဖြင့် လားရှိုးမြို့ပြည်သူ့ဆေးရုံကြီးရှိ ရင်ခွဲရုံသို့ ပို့ဆောင်ကူညီပေးခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကမမောင်းမြို့ပေါ်ရှိ အုပ်ချုပ်ရေးမှူးရုံးကို KNLA ပူးပေါင်းအဖွဲ့က Drop ဗုံး(၃)လုံးဖြင့် ပစ်ချတိုက်ခိုက်
RELATED POSTS
22 Nov 2024 | မှုခင်း,ပြည်တွင်း
