အမျိုးသမီးတစ်ဦး အဝတ်လျှော်နေစဉ် ရုတ်တရက်သေဆုံးမှု လားရှိုးမြို့တွင်ဖြစ်ပွား
NSS - ဩဂုတ် ၂၄
ရှမ်းပြည်နယ်(မြောက်ပိုင်း)၊ လားရှိုးမြို့တွင် အမျိုးသမီးတစ်ဦး အဝတ်လျှော်နေစဉ် ရုတ်တရက် သေဆုံးသွားခဲ့ကြောင်း သိရသည်။
ဖြစ်စဉ်မှာ ယနေ့(ဩဂုတ်လ ၂၄ရက်)၊ နံနက် ၁၁ နာရီ ၂၃မိနစ်အချိန်တွင် လားရှိုးမြို့၊ ရပ်ကွက်(၅)၊ ၄၉လမ်း၊ ၁၉လမ်း နှင့် ၂၀ လမ်းကြားတွင် သေဆုံးသွားခဲ့ကြောင်း လားရှိုးလူငယ်များလူမှုကူညီရေးအသင်းထံမှ သိရသည်။
"သူက ဝက်ရူးပြန်ရောဂါခံစားနေရတာဗျ။ သူယောက်ျားပြောတာက ရေထိရင်ခနခနဖြစ်တယ်ပေါ့။ သူ့ကလေးလေးနဲ့ အဝတ်လျှော်နေတုန်း အဲဒီရေကန်နားမှာ ဆုံးနေတာဗျ" ဟု လားရှိုးလူငယ်များလူမှုကူညီရေးအသင်းမှ တာဝန်ရှိသူတစ်ဦးက NSS ကိုပြောသည်။
သေဆုံးသူအမျိုးသမီးသည် ရပ်ကွက်(၅)တွင်နေထိုင်သူဖြစ်ပြီး အသက်(၃၄)နှစ်အရွယ်ခန့်ရှိကြောင်း သိရသည်။
သေဆုံးသူအမျိုးသမီးအား လားရှိုးလူငယ်များလူမှုကူညီရေးအသင်းမှ ကားဖြင့် လားရှိုးပြည်သူ့ဆေးရုံကြီးရင်ခွဲရုံသို့ ပို့ဆောင်ကူညီပေးခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မန္တလေးတိုင်းဒေသကြီး ရသုံးမှန်းချေငွေစာရင်းဦးစီးဌာနကို အကြမ်းဖက်အဖွဲ့မှ လက်ပစ်ဗုံးဖြင့် ပစ်ပေါက်တိုက်ခိုက်
RELATED POSTS
22 Nov 2024 | မှုခင်း,ပြည်တွင်း
