စိတ်ကျန်းမာရေးမကောင်းသူက မိမိအိမ်ကိုမီးရှို့ရာမှ နေအိမ်(၄)လုံးမီးလောင်မှု ရွှေပြည်သာမြို့နယ်တွင်ဖြစ်ပွား
သန့်ဇင် (NSS) - ဩဂုတ် ၁၉
ရန်ကုန်တိုင်း၊ ရွှေပြည်သာမြို့နယ်တွင် စိတ်ကျန်းမာရေးမကောင်းသူက မိမိအိမ်ကိုမီးရှို့ရာမှ နေအိမ်(၄) လုံး မီးလောင်မှုပျက်စီးသွားခဲ့ကြောင်း သိရသည်။
မီးလောင်မှုသည် ယနေ့(ဩဂုတ်လ ၁၉ ရက်)၊ မွန်းလွဲ ၁နာရီဝန်းကျင်အချိန်ခန့်တွင် ရွှေပြည်သာမြို့နယ်၊ (၇)ရပ်ကွက်၊ ဗညာဒလလမ်းတွင် ဖြစ်ပွားခဲ့ကြောင်း လူမှုဘဝလူမှုကူညီရေးအသင်းထံမှ သိရသည်။
"စိတ်မနှံ့တဲ့သူက သူ့အိမ်သူမီးရှို့တာတဲ့။ အဲဒါနဲ့ဘေးကအိမ်တွေပါ ထပ်ပါသွားတာပေါ့နော်"ဟု လူမှုဘဝ လူမှုကူညီရေးအသင်းမှ တာဝန်ရှိသူတစ်ဦးက NSS ကိုပြောသည်။
အဆိုပါမီးလောင်မှုတွင် ရပ်ကွက်အတွင်းရှိ လူနေအိမ်(၄)လုံးမီးလောင် ပျက်စီးသွားခဲ့ပြီး လူထိခိုက်မှုမရှိကြောင်း သိရသည်။
"၁နာရီသာသာလောက်မှာတော့ မီးထိန်နိုင်ပါတယ်။ မီငြှိမ်းရတာတော့သိပ်မကြာလိုက်ပါဘူး။ အိမ်တွေတော့ ပါသွားတယ် လူထိခိုက်မှုတော့မရှိပါဘူး" ဟု၎င်းကဆက်လက်ပြောသည်။
အထက်ပါမီးလောင်မှုတွင် ရွှေပြည်သာမြို့နယ်မီးသတ်နှင့် လူမှုဘဝလူမှုကူညီရေးအသင်းမှ မီးငြှိမ်းသတ်မှုများပြုလုပ်ခဲ့ရာ မိနစ်(၂၀)နီးပါးခန့် မီးငြှိမ်းသတ်ခဲ့ရကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
K-pop ဖျော်ဖြေပွဲတွင် ဓါးဖြင့်တိုက်ခိုက်မှုများပြုလုပ်မည်ဆိုသော အသက်(၁၁)နှစ်အရွယ် မိန်းကလေးကို တောင်ကိုရီးယားရဲတပ်ဖွဲ့ဖမ်းဆီး
RELATED POSTS
22 Nov 2024 | မှုခင်း,ပြည်တွင်း
