NSS - ဩဂုတ် ၁၄

မန္တလေးတိုင်း၊ မတ္တရာမြိုနယ်တွင် လူမှုကူညီရေးအသင်းဥက္ကဋ္ဌဖြစ်သူ အမျိုးသားတစ်ဦးကို PDF အဖွဲ့က သေနတ်ဖြင့်ပစ်ခတ်သတ်ဖြတ်သွားခဲ့ကြောင်း သိရသည်။

ဖြစ်စဉ်မှာ ဩဂုတ်လ ၁၂ ရက်၊ နံနက် ၇နာရီအချိန်တွင် မတ္တရာမြို့နယ်၊ ကျောက်တံတားကျေးရွာရှိ လူမှုကူညီရေးအသင်းရုံးရှေ့တွင် ဖြစ်ပွားခဲ့ကြောင်း ရဲတပ်ဖွဲ့မှ ထုတ်ပြန်ထားသည်။

လူမှုကူညီရေးအသင်းဥက္ကဋ္ဌဖြစ်သူ ဦးမြင့်သည် အထက်ပါကျေးရွာရှိ လူမှုကူညီရေးအသင်းရုံးရှေ့တွင် ထိုင်နေစဉ် PDF အဖွဲ့ အင်အား(၄)ဦးက ဆိုင်ကယ်(၂)စီးဖြင့်ရောက်ရှိလာပြီး သေနတ်ဖြင့် ပစ်ခတ်ထွက်ပြေးသွားခဲ့ကြောင်း သိရသည်။

ထိုသို့ သေနတ်ဖြင့် ပစ်ခတ်ခံရမှုကြောင့် ကျောက်တံတားကျေးရွာနေ ဦးမြင့်(၆၆)နှစ်တွင် ကျည်ထိမှန်ဒဏ်ရာများရရှိကာ အခင်းဖြစ်ပွားရာနေရာ၌ သေဆုံးသွားခဲ့ကြောင်း သိရသည်။

ထိုသို့ လူမှုကူညီရေးအသင်းတာဝန်ရှိသူတစ်ဦးကို လုပ်ကြံသတ်ဖြတ်မှုကျူလွန်ခဲ့သည့် အကြမ်း ဖက်သမားများအား ဖော်ထုတ်ဖမ်းဆီး၍ ဥပဒေနှင့်အညီ အပြစ်ပေးအရေးယူနိုင်ရေးလုံခြုံရေးတပ်ဖွဲ့ဝင်များက ဆက်လက် လုပ်ဆောင်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။