ညောင်ဦးမြို့နယ်ရှိ အထက်တန်းကျောင်းအား PDF အဖွဲ့မှ ခြိမ်းခြောက်စာပေးပို့ခဲ့ဟုဆို
NSS - ဩဂုတ် ၇
မန္တလေးတိုင်း၊ ညောင်ဦးမြို့နယ်ရှိ အခြေခံပညာအထက်တန်းကျောင်းအား PDF အဖွဲ့မှခြိမ်းခြောက်စာတစ်စောင်ပေးပို့ခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။
အဆိုပါခြိမ်းခြောက်စာအား ပြီးခဲ့သော ဩဂုတ်လ ၄ ရက်၊ ညနေ ၅နာရီအချိန်တွင် ညောင်ဦးမြို့နယ်၊ စုတည်ကျေးရွာရှိ အခြေခံပညာအထက်တန်းကျောင်း၌ တွေ့ရှိခဲ့ကြောင်း သိရသည်။
အဆိုပါစာကို လက်ရေးဖြင့်ရေးထားပြီး ကျောင်း၏အဝင်ဝ သံတံခါးတွင် တွေ့ရှိခဲ့ခြင်းဖြစ်ကြောင်း သိရသည်။
အဆိုပါခြိမ်းခြောက်စာတွင် ကျောင်းအား(၇)ရက်ပိတ်ရန် ပြောဆိုရေးသားထားပြီး ကျောင်းအားမပိတ်လျှင် တာဝန်ယူမည်မဟုတ်ကြောင်း ရေးထားထားခြင်းဖြစ်သည်။
၎င်းခြိမ်းခြောက်စာအား လုံခြုံရေးအဖွဲ့မှ ဖယ်ရှားရှင်းလင်းခဲ့ပြီး ပါဝင်ပတ်သက်သူများအား ဖော်ထုတ်ဖမ်းဆီး၍ အပြစ်ပေးအရေးယူနိုင်ရေးလုံခြုံရေးတပ်ဖွဲ့ဝင်များက စုံစမ်းစစ်ဆေးလျက်ရှိကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယနေ့ သြဂုတ်လ ၇ ရက်အတွင်းဖြစ်ပွားခဲ့သော ပြည်တွင်းနှင့် ပြည်ပမှ သတင်းထူးများ
RELATED POSTS
22 Nov 2024 | မှုခင်း,ပြည်တွင်း
