စွပ်ပြုတ်အိုးတည်ရာမှ နေအိမ်တစ်လုံးမီးလောင်ဆုံးရှုံးမှု ပုတီးကုန်းမြို့တွင် ဖြစ်ပွား
သန့်ဇင် (NSS) - ဇူလိုင် ၂၄
ပဲခူးတိုင်း၊ သဲကုန်းမြို့နယ်၊ ပုတီးကုန်းမြို့တွင် စွပ်ပြုတ်အိုးတည်ရာမှ နေအိမ်တစ်လုံးမီးလောင်မှု ဖြစ်ပွားခဲ့ကြောင်း ပုတီးကုန်းမြို့စေတနာရှင်လူမှုကူညီရေးအသင်းထံမှ သိရသည်။
အဆိုပါ မီးလောင်မှုဖြစ်စဉ်မှာ ဇူလိုင်လ ၂၃ ရက်၊ ညနေ ၆နာရီအချိန်တွင် သဲကုန်းမြို့နယ်၊ ပုတီးကုန်းမြို့၊ ချမ်းမြေ့သာယာရပ်ကွက်၊ ကျောင်းစုလမ်းတွင် ဖြစ်ပွားခဲ့ကြောင်း သိရသည်။
“ပတ်ဝန်းကျင်ပြောတာတော့။ မီးလာချိန် ညနေ(၃)နာရီမှာ စွပ်ပြုတ်အိုးလေးနွှေးထားပြီးတော့ သတိမထားမိပဲ ရိပ်သာကိုသွားတာ အဲဒီမှာစလောင်တာလို့တော့ သိရတယ်ပေါ့”ဟု စေတနာရှင်လူမှုကူညီရေးအသင်းမှ တာဝန်ရှိသူတစ်ဦးက NP News ကိုပြောသည်။
အဆိုပါမီးလောင်မှုအား မိနစ် ၃၀ ခန့်မီးငြှိမ်းသတ်ခဲ့ရပြီး နေအိမ်တစ်လုံးမီးလောင်ဆုံးရှုံးခဲ့ရကြောင်း သိရသည်။
“ အတွင်း ပစ္စည်းတော့မသိဘူး။ ဒါပေမဲ့ တစ်အိမ်လုံးကတော့ဘာမှရစရာကိုမရှိအောင် အကုန်လောင်သွားတာပါ။ ဘေးအိမ်တွေတော့မကူးပါဘူး"ဟု ၎င်းကဆက်လက်ပြောသည်။
အထက်ပါမီးလောင်မှုဖြစ်စဉ်တွင် မြို့နယ်မီးသတ်တပ်ဖွဲ့များ၊ အသင်းအဖွဲ့များနှင့် မြို့သူမြို့သားများက ဝိုင်းဝန်းငြှိမ်းသတ်ခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နှစ်သောင်းကျပ်တန်ကို အကြောင်းပြပြီး ရွှေဈေးနှုန်းတည်ငြိမ်မှုမရှိအောင် ရောင်းဝယ်ဆောင်ရွက်ခြင်းမျိုး မပြုလုပ်ရန် YGEA အသိပေး
RELATED POSTS
22 Nov 2024 | မှုခင်း,ပြည်တွင်း
