ဂျန်ဇက် (NSS) - ဇူလိုင် ၂၃

အမျိုးသမီးနှစ်ဦးကို ဝတ်လစ်စလစ် ပုံစံမျိုးနဲ့ လမ်းလျှောက်ခိုင်းခဲ့တဲ့ လူအုပ်ထဲမှာပါဝင်နေသူများကို ဖမ်းဆီးပေးဖို့ ဇူလိုင်လ ၂၂ ရက်၊ နံနက်ပိုင်းက အိန္ဒိယနိုင်ငံ မဏိပူရပြည်နယ်မှာ အမျိုးသမီး သောင်းချီဆန္ဒပြတောင်းဆိုခဲ့ကြောင်းသိရပါတယ်။

မဏိပူရပြည်နယ်မှာ ပြီးခဲ့တဲ့ မေလက မတူညီတဲ့ တိုင်းရင်းသားမျိုးနွယ်စု နှစ်ခုကြား အကြမ်းဖက်တိုက်ခိုက်မှုတွေဖြစ်ပွားလာခဲ့ရာ လူပေါင်း ၁၃၀ ကျော်သေဆုံးခဲ့ပြီး ပြည်နယ်အတွင်းတည်ငြိမ်မှုမရှိဘဲဖြစ်နေကြောင်းသိရပါတယ်။ အမျိုးသမီးပေါင်း ၁၅၀၀၀ ကျော်ဟာ ဇူလိုင်လ ၂၂ ရက်က ပြုလုပ်ခဲ့တဲ့ဆန္ဒပြပွဲအတွင်း ပြည်နယ်ဝန်ကြီးချုပ်ကိုလည်း ရာထူးကနေ နှုတ်ထွက်ဖို့တောင်းဆိုခဲ့ကြောင်းသိရပါတယ်။ မကြာသေးမီက လူမှုကွန်ရက်မှာ ပျံ့နှံ့ခဲ့တဲ့ ရုပ်သံဖိုင်ထဲမှာ အမျိုးသမီး နှစ်ဦးက ကိုယ်တုံးလုံး ပုံစံမျိုးနဲ့လမ်းလျှောက်နေရပြီး လူငယ်အများစုက အဆိုပါအမျိုးသမီးရဲ့ငယ်ပါကို လိုက်လံကြည့်ရှုနေခဲ့ကာ အမျိုးသမီးနှစ်ဦးကို ကွင်းထဲကိုမောင်းထုတ်ခဲ့ကြောင်းသိရပါတယ်။

ရဲတပ်ဖွဲ့က အဆိုပါ အဖြစ်ပျက်ဟာ မဏိပူရပြည်နယ်မှာ အကြမ်းဖက်တိုက်ခိုက်မှုများစတင်ခဲ့ပြီးနောက် တစ်ရက်အကြာ မေလ ၄ ရက်က ဖြစ်ပွားခဲ့တာဖြစ်ကြောင်း၊ ကိုယ်တုံးလုံးပုံစံနဲ့ လမ်းလျှောက်နေရတဲ့ အမျိုးသမီးနှစ်ဦးရဲ့မိသားစုဝင်အမျိုးသားနှစ်ဦးဟာ လူအုပ်ကြီးရဲ့သတ်ဖြတ်ခံခဲ့ရကြောင်း ပြောပါတယ်။ အဆိုပါအမျိုးသမီးနှစ်ဦးကို အဓမ္မပြုကျင့်သတ်ဖြတ်မှုတွေရှိခဲ့တယ်လို့လည်း တိုင်ကြားမှုတွေရှိနေကြောင်းသိရပါတယ်။ 

မဏိပူရပြည်နယ်အစိုးရက လက်ရှိအချိန်မှာ အဆိုပါအဖြစ်အပျက်နဲ့ပတ်သက်တဲ့ သံသယရှိသူ ငါးဦးမြောက်ကို ဖမ်းဆီးထားပြီး အခြားသံသယရှိသူတွေကိုလည်း ဖမ်းဆီးနိုင်ဖို့ လုပ်ဆောင်နေကြောင်း ပြောပါတယ်။ အိန္ဒိယနိုင်ငံမှာ Hindu Meiteis လူမျိုးများကို အထူးအခွင့်ရေးတစ်ရပ်ပေးလိုက်ပြီးနောက်အခြားမျိုးနွယ်စုများနဲ့အငြင်းပွားအကြမ်းဖက်မှုများဖြစ်ပွားလာခဲ့ကာအထူးသဖြင့် Hindu Meiteis လူမျိုးများနဲ့ Kukis လူမျိုးများကြား အကြမ်းဖက်တိုက်ခိုက်မှုတွေ မေလအတွင်းစတင်ခဲ့ပါတယ်။