NSS - ဇူလိုင် ၉

ပဲခူးတိုင်းဒေသကြီး၊ ကျောက်ကြီးမြို့နယ်တွင် ကွန်ကရစ်အမျိုးအစား ရေပြွန်ပေါက်တံတား တစ်စင်းကို KNU နှင့် PDF ပူးပေါင်းအဖွဲ့တို့မှ မိုင်းထောင်ဖောက်ခွဲဖျက်ဆီးပစ်ခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။

ဖြစ်စဉ်မှာ ပြီးခဲ့သော (ဇူလိုင်လ ၇ ရက်)၊ နံနက် ၆ နာရီခွဲအချိန်တွင် ကျောက်ကြီးမြို့နယ်၊ သဲကုန်းကျေး ရွာအနီး၊ ကျောက်ကြီး-နတ်သံကွင်းကားလမ်း မိုင်တိုင်အမှတ် ၁၅ မိုင်၊ ၄ ဖာလုံရှိတံတား၌ အထက်ပါကဲ့သို့ ဖြစ်ပွားခဲ့ကြောင်း သိရသည်။

အဆိုပါတံတားသည် ကွန်ကရစ်အမျိုးအစား ရေပြွန်ပေါက်တံတားဖြစ်ပြီး KNU နှင့် PDFပူးပေါင်းအဖွဲ့တို့မှ မိုင်းထောင်ဖောက်ခွဲဖျက်ဆီးခဲ့ခြင်းဖြစ်ကြောင်း ရဲတပ်ဖွဲ့က သတင်းထုတ်ပြန်ထားသည်။

ထိုသို့ မိုင်းထောင်ဖောက်ခွဲမှုကြောင့် ပေါက်ကွဲမှုဖြစ်ပွားခဲ့ရာ အလျား ၁၅ ပေ၊အနံ ၁၅ ပေခန့်ရှိ တံတားအမှတ်(၂/၁၆)မှာ ထက်ပိုင်းကျိုးကျပျက်စီးသွားခဲ့ပြီး လက်ရှိအချိန်ထိ မော်တော်ယာဉ်များ ဖြတ်သန်းသွားလာ၍ မရရှိသေးကြောင်း သိရသည်။

အထက်ပါဖြစ်စဉ်တွင် အဆိုပါတံတားကို မိုင်းထောင်ဖောက်ခွဲခဲ့သော အကြမ်းဖက်သမားများအား ဖမ်းဆီး အရေးယူနိုင်ရေးလုံခြုံရေးတပ်ဖွဲ့ဝင်များက ဆက်လက်ဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။

လက်ရှိတွင် ပျက်စီးသွားခဲ့သော တံတားအမှတ်(၂/၁၆)ကို ပြန်လည်ပြုပြင်နိုင်ရေးလုပ်ငန်းများ လုပ် ဆောင်လျက်ရှိကြောင်းလည်း  ထပ်မံသိရှိရသည်။