သန့်ဇင် (NSS) - ဇူလိုင် ၁

ချင်းပြည်နယ်၊ မိုးညှင်းမြို့နယ်တွင် CANTER (၆)ဘီးကားပေါ်မှ ငွေကျပ်သိန်း(၁၆ဝဝ)ကျော်တန်ဖိုးရှိ ဘိန်းဖြူ၊ ဘိန်းစိမ်းများ ဖမ်းဆီးရမိခဲ့ကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သတင်းထုတ်ပြန်ထားသည်။

မြန်မာနိုင်ငံမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ ဇွန်လ ၃ဝ ရက်တွင် အထက်ပါကဲ့သို့ထုတ်ပြန်ခဲ့ခြင်း ဖြစ်သည်။

ဖြစ်စဉ်မှာ ပြီးခဲ့သည့် ဇွန်လ ၂၃ရက်၊ ညနေ ၆ နာရီအချိန်တွင် မိုးညှင်းမြို့နယ်၊ နန့်စီးအောင် ပူးပေါင်းစစ် ဆေးရေးဂိတ်၌ ဖမ်းဆီးရမိခဲ့ခြင်းဖြစ်သည်။

မန္တလေးမှ ဟိုပင်မြို့ဘက်သို့ အေးမင်းအောင်(ခ)မင်းမင်း မောင်းနှင်လာပြီး ဦးကြည်လိုက်ပါလာသည့် CANTER (၆)ဘီးကားပေါ်မှ ကာလတန်ဖိုးငွေကျပ် သိန်း(၁၆ဝဝ)ကျော်တန်ဖိုးရှိ ဘိန်းဖြူ (၆ ဒသမ ၆) ကီလို၊ ဘိန်းစိမ်း (၂)ကီလိုသိမ်းဆည်းရမိခဲ့ကြောင်း သိရသည်။

ဆက်လက်စစ်ဆေးဖော်ထုတ်ချက်အရ အဆိုပါသိမ်းဆည်းရမိသည့် မူယစ်ဆေးဝါးများအား ရှမ်းပြည်နယ်မှ ကချင်ပြည်နယ်သို့သယ်ဆောင်သွားမည်ဖြစ်ကြောင်းလည်း သိရသည်။

ထို့ကြောင့် ၎င်းတို့(၂)ဦးအား ဥပဒေအရအရေးယူထားပြီး ကွင်းဆက်ပြစ်မှု ကျူးလွန်သူများကို ဆက်လက်စစ်ဆေးဖော်ထုတ်လျက်ရှိကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်ရေးရဲတပ်ဖွဲ့မှ သတင်းထုတ်ပြန်ထားသည်။