NSS - ဇွန် ၂၅

စစ်ကိုင်းတိုင်းဒေသကြီး၊ ရေဦးမြို့နယ်၊ အောင်ဆန်းရပ်ကွက်ရှိ မြို့နယ်စိုက်ပျိုးရေးဦးစီးဌာနပိုင် စပါးခင်းအတွင်း၌ အမျိုးသား(၁)ဦး လုပ်ကြံသတ်ဖြတ်ခံခဲ့ရကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထား သည်။

ပြီးခဲ့သည့် (ဇွန်လ ၂၂ ရက်)၊ နံနက် ၉ နာရီအချိန်တွင် စစ်ကိုင်းတိုင်း၊ ရေဦးမြို့နယ်၊ အောင်ဆန်းရပ်ကွက်၊ မြို့နယ်စိုက်ပျိုးရေးဦးစီးဌာနပိုင် စပါးခင်းအတွင်း၌ ဖြစ်ပွားခဲ့ကြောင်း သိရသည်။

ဖြစ်စဉ်မှာ သေဆုံးသူသည် ရေဦးမြို့နယ်၊ မကျီးတောကျေးရွာတွင်နေထိုင်သူဖြစ်ပြီး အခင်းဖြစ်ပွားရာနေရာအနီးရောက်ရှိစဉ် PDF အဖွဲ့က သေနတ်ဖြင့်ပစ်ခတ်၊ ဓားဖြင့် ထိုးခုတ်သတ်ဖြတ်သွားခဲ့ကြောင်း ရဲတပ်ဖွဲ့မှ ပြောဆိုထားသည်။

ထိုသို့ ပစ်ခတ်၊ ထိုးခုတ်ခံရမှုကြောင့် အဆိုပါကျေးရွာနေ ကိုဝင်းမင်းထွန်း(၂၆)နှစ်တွင် ကျည်ထိမှန်၊ ဓားပြတ်ရှဒဏ်ရာများရရှိကာ အခင်းဖြစ်ပွားရာနေရာ၌ သေဆုံးသွားခဲ့ကြောင်း သိရသည်။

လက်ရှိတွင် အကြောင်းမဲ့ ရက်စက်စွာ လုပ်ကြံသတ်ဖြတ်မှုကျူးလွန်ခဲ့သည် အကြမ်းဖက်သမားများအား ဥပဒေနှင့်အညီ အပြစ်ပေးအရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်ဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့မှ ထုတ်ပြန်ထားသည်။