Pearl (NSS) - ဇွန် ၂၄

ပဲခူးတိုင်း (အနောက်ပိုင်း)၊ ပြည်မြို့ ၌ ဧရာဝတီမြစ်အတွင်း နဂါးသိုက်ပွဲ ရေမျှောရာမှ အမျိုးသားတစ်ဦး ‌ရေနစ်ပျောက်ဆုံးနေကြောင်း သတင်းရရှိသည်။ 

ဖြစ်စဉ်မှာ ယနေ့ (ဇွန်လ ၂၄ ရက်) ၊ နံနက် (၁၁)နာရီ အချိန်ခန့်တွင် ပြည်မြို့ ၊ ကမ်းနားပန်းခြံအနီး ၊ ဧရာဝတီမြစ်အတွင်းဖြစ်ပွားခဲ့ကြောင်း သိရသည်။ 

အသက် (၅၄) နှစ်အရွယ်အမျိုးသားတစ်ဦးသည်  ဧရာဝတီမြစ်အတွင်း နဂါးသိုက်ပွဲ ရေမျှောရာမှ ရေနောက်ပါ၍ နစ်မြုပ်သွားခဲ့ကြောင်း သိရသည်။

"အစအဆုံးမမြင်ရပေမယ့် အဲဒီနားက မျက်မြင်တွေ ပြောတာတော့ သူက နဂါးသိုက်ပွဲမျှောတာပေါ့၊ နွားနို့၊ ပေါက်ပေါက်တို့ မျှောရင်း ရေနောက်ပါပြီး ရေနစ်တာ"ဟု မြန်မာနိုင်ငံလူမှုကယ်ဆယ်ရေးအဖွဲ့ (ပြည်) - ပါရမီ၏ တာဝန်ရှိသူတစ်ဦးက NP News ကိုပြောသည်။ 

လက်ရှိတွင် ၎င်းအား ကူညီကယ်ဆယ်ရေးအသင်းများမှ ရှာဖွေရေးလုပ်ငန်းများဆက်လက် ဆောင်ရွက်လျက်ရှိကြောင်း သိရသည်။