Pearl (NSS) - ဇွန် ၁၇

စော်ဘွားကြီးကုန်းအနီးရှိ CB Bank တွင် မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်ဦးစီးဌာနမှ သတင်းရရှိသည်။ 

ဖြစ်စဉ်မှာ ယမန်နေ့ ဇွန်လ(၁၆ ရက်) ၊ ည (၁ဝ)နာရီ အချိန်ခန့်တွင် ရန်ကုန်တိုင်း၊ အင်းစိန်မြို့နယ်၊ စော်ဘွားကြီးကုန်းအနီး၌ ဖြစ်ပွားခဲ့ကြောင်း သိရသည်။ 

စော်ဘွားကြီးကုန်း အနီးရှိ CB Bank တွင် မီးလောင်မှုဖြစ်ပွားခဲ့ပြီး အဆိုပါ မီးလောင်မှုအား Level 1 အဆင့်သတ်မှတ်ပြီး (၁)နာရီခွဲခန့် မီးငြှိမ်းသတ်ခဲ့ရကြောင်း သိရသည်။

"လက်ရှိစုံစမ်းဆဲပါ။ ဘယ်ကနေ ဘယ်လိုစလောင်လဲ။ ပျက်စီးဆုံးရှုံးမှုတန်ဖိုးတွေ။ ဘယ်နေရာက စလောင်လဲက စုံစမ်းဆဲပါ။ ကြီးကြီးမားမားထိခိုက်ဒဏ်ရာရတဲ့လူတော့ မရှိပါဘူး။ မီးခိုးမွှန်တဲ့လူ (၃) ယောက်လောက်ပဲရှိတာ"ဟု အင်းစိန်မြို့နယ်မီးသတ်စခန်း၏ တာဝန်ရှိသူတစ်ဦးမှ NP News ကိုပြောသည်။ 

လက်ရှိတွင် မီးလောင်မှုနှင့် ပတ်သက်၍ သက်ဆိုင်ရာ တာဝန်ရှိသူများမှ စုံစမ်းစစ်‌ဆေးမှုများ ဆက်လက် ဆောင်ရွက်နေကြောင်း သိရသည်။