စော (NSS) - ဇွန် ၁၂

မွန်ပြည်နယ်၊ မော်လမြိုင်မြို့နယ်တွင် နေအိမ်ရှိ ဝရန်တာ၌ အမျိုးသမီးတစ်ဦး ကြိုးဆွဲချသေဆုံးမှု ဖြစ်ပွားခဲ့ကြောင်း သတင်းရရှိသည်။

ဖြစ်စဉ်မှာ ယနေ့(ဇွန်လ ၁၂ ရက်)၊ နံနက်(၆)နာရီခွဲအချိန်တွင် မော်လမြိုင်မြို့၊ မဟာမြိုင်ရပ်ကွက်၊ မဟာမြိုင်(၆)လမ်း၌ အထက်ပါကဲ့သို့ဖြစ်ပွားခဲ့ကြောင်း ရာမညအရေးပေါ်ကယ်ဆယ်ရေးအဖွဲ့ထံမှ သိရသည်။

အဆိုပါအမျိုးသမီးသည် ၎င်းနေအိမ်တွင် တစ်ယောက်ထဲနေထိုင်သူဖြစ်ပြီး အသက်(၃၅)နှစ် ဝန်းကျင်အရွယ်ရှိကြောင်း အထက်ပါအသင်းထံမှသိရသည်။

“ဘယ်လိုဖြစ်ပြီး သတ်သေတာလဲတော့ ကျွန်တော်တို့မသိဘူး။ အိမ်ရှေ့ဝရန်တာမှာ ကြိုးဆွဲချပြီးသေနေတာပါ။ သေတာကြာပြီလားတော့ မသိဘူး။ နှုတ်ခမ်းတွေတော့မည်းပြာနေပြီ။ ကျွန်တော်တို့ဖြုတ်တာမဟုတ်ဘူး။ ရဲတွေက အလောင်းကိုဖြုတ်သွားတာပါ”ဟု ရာမညအရေးပေါ်ကယ်ဆယ်ရေးအဖွဲ့မှ တာဝန်ရှိ သူတစ်ဦးက NP News ကိုပြောသည်။  

၎င်း၏ရုပ်အလောင်းအား မော်လမြိုင်ဆေးရုံကြီးရှိ အအေးတိုက်မှ ပိန္နဲကုန်းသုသာန်သို့ ပို့ဆောင်ထားကြောင်း သိရသည်။

အလားတူ ယနေ့(ဇွန်လ ၁၂ ရက်) နံနက်ပိုင်းတွင် ပဲခူးတိုင်း၊ စည်တီးကျေးရွာရှိ လယ်တဲ၌ အမျိုးသားတစ်ဦး ကြိုးဆွဲချသတ်သေခဲ့ကြောင်း သိရသည်။