တောင်ဒဂုံတွင် ကား(၃)စီးဆင့်တိုက်မှုဖြစ်ပွားရာ ယာဉ်မောင်းအမျိုးသားတစ်ဦး ထိခိုက်ဒဏ်ရာရရှိ
စော (NP News) - ဇွန် ၈
ရန်ကုန်တိုင်း၊ တောင်ဒဂုံမြို့နယ်တွင် ကား(၃)စီးဆင့်တိုက်မှုဖြစ်ပွားရာ ယာဉ်မောင်းအမျိုးသားတစ်ဦး ထိခိုက်ဒဏ်ရာရရှိခဲ့ကြောင်း သိရသည်။
ဖြစ်စဉ်မှာ ယနေ့(ဇွန်လ ၈ ရက်)၊ မွန်းလွဲ(၁)နာရီဝန်းကျင်အချိန်တွင်တောင်ဒဂုံမြို့နယ်၊ အမှတ်(၆၅)၊ ဧရာဝဏ်လမ်းမကြီး၌ အထက်ပါကဲ့သိုဖြစ်ပွားခဲ့ကြောင်း ဒဂုံတောင်မြို့နယ်မီးသတ်စခန်းဦးစီးဌာနထံမှ သိရသည်။
ဒိုင်နာကားသည် မောင်းမကန်ကမ်းသာလမ်းဘက်မှ ပြည်ထောင်စုလမ်းဘက်သို့ ဧရာဝဏ်လမ်းအတိုင်းမောင်းနှင်လာကြောင်း သိရသည်။
“ဒိုင်နာကားက အရှိန်မထိန်းနိုင်ဘဲ TOYOTA ကားကိုဝင်တိုက်မိတော့ TOYOTA ကားက သူ့ရှေ့က တွဲကားကို ဝင်တိုက်မိတယ်။ နောက်ပြီး ဒိုင်နာကားကပဲ အဲဒီတွဲကားကို ထပ်ပြီးဝင်တိုက်ခဲ့တာပါ”ဟု ဒဂုံတောင်မြို့နယ်မီးသတ်စခန်းဦးစီးဌာနမှ တာဝန်ရှိသူတစ်ဦးက NP News ကိုပြောသည်။
ယာဉ်တိုက်မှုကြောင့် ဒိုင်နာကားမှ ယာဉ်မောင်းအမျိုးသားသည် စတီယာတိုင်နှင့် ထိုင်ခုံကြားညှပ်နေခဲ့ရာ မွန်းလွဲ(၁)နာရီခွဲဝန်းကျင်အချိန်တွင် ကယ်ဆယ်နိုင်ခဲ့ကြောင်း သိရသည်။
အဆိုပါအမျိုးသားသည် အသက်(၃၆)နှစ်အရွယ်ရှိ ဦးသန်းစိန်ဖြစ်ပြီး ထိခိုက်ဒဏ်ရာမှာ မစိုးရိမ်ရကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာနိုင်ငံအိမ်ခြံမြေဝန်ဆောင်မှုအသင်း၏ ကိုယ်စားလှယ်ရွေးချယ်ပွဲကို သုံးလအတွင်း ကျင်းပမည်
RELATED POSTS
22 Nov 2024 | မှုခင်း,ပြည်တွင်း
