အမရပူရမြို့နယ်တွင် ဆိုင်ကယ်နှင့်ကား ယာဥ်တိုက်မှုဖြစ်ပွားခဲ့ရာ ဆိုင်ကယ်မောင်းနှင်သူသေဆုံး
Pearl (NP News) - ဇွန် ၈
အမရပူရမြို့နယ်တွင် ဆိုင်ကယ်နှင့်ကား ယာဥ်တိုက်မှုဖြစ်ပွားခဲ့ရာ ဆိုင်ကယ်မောင်းနှင်သူ သေဆုံးသွားခဲ့ကြောင်း မြန်မာနိုင်ငံလူမှုကယ်ဆယ်ရေးအဖွဲ့- မန္တလေးတိုင်းဒေသကြီးထံမှ သိရသည်။
ဖြစ်စဉ်မှာ ယမန်နေ့ (ဇွန်လ ၇ ရက်)၊ နေ့လည် (၂)နာရီအချိန်ခန့်တွင် မန္တလေးတိုင်း၊ အမရပူရမြို့နယ် ၊ လမ်းငါးခွအနီး၌ ဖြစ်ပွားခဲ့ကြောင်း သိရသည်။
ပြည်ကြီးတံခွန်မြို့နယ်၌ နေထိုင်သူ အသက်(၄ဝ)နှစ်အရွယ်ခန့်ရှိ အမျိုးသားတစ်ဦးမောင်းနှင်သော ဆိုင်ကယ်အား ကားကဝင်တိုက်မိခဲ့ခြင်းဖြစ်ကြောင်း သိရသည်။
"ကားက ဆိုင်ကယ်ကိုတိုက်တာ။ အမျိုးသားတစ်ဦး ခေါင်းပွင့်ထွက် ဒဏ်ရာရပြီး နေရာမှာပဲဆုံးသွားတာ။ ရုပ်ကပျက်နေတော့ အသက်က မှန်းလို့သိပ်မရဘူး ။ (၄ဝ)ဝန်းကျင်လောက်ပဲ။ ကားက ရဲစခန်းမှာ ထိန်း သိမ်းထားတယ်။ ကြားတာကတော့ ကားက(၂)နေရာတိုက်ထားတယ်ပြောတယ်"ဟု မြန်မာနိုင်ငံလူမှုကယ်ဆယ်ရေးအဖွဲ့ - မန္တလေးတိုင်းဒေသကြီး၏ တာဝန်ရှိသူတစ်ဦးမှ NP News ကို ပြောသည်။
ဖြစ်စဉ်ကြောင့် ဆိုင်ကယ်မောင်းနှင်သူ အမျိုးသားသည် ဦးခေါင်းပွင့်ထွက် ဒဏ်ရာရရှိကာ အခင်းဖြစ်နေရာတွင် သေဆုံးသွားခဲ့ကြောင်းသိရသည်။
လက်ရှိတွင် ၎င်းရုပ်အလောင်းအား မန္တလေးပြည်သူ့ဆေးရုံကြီး ရင်ခွဲရုံသို့ပို့ဆောင်ပေးထားကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာ အပါအဝင် အာဆီယံအဖွဲ့ဝင်နိုင်ငံအားလုံး ပူးတွဲစစ်ရေးလေကျင့်သွားမည်ဟု အင်ဒိုနီးရှားရေတပ်အကြီးအကဲပြော
RELATED POSTS
22 Nov 2024 | မှုခင်း,ပြည်တွင်း
