Pearl (NP News) - မေ ၃

မန္တလေးတိုင်း၊ ပုသိမ်ကြီးမြို့နယ်တွင် ကြက်ကြော်ဆိုင် မီးလောင်မှုဖြစ်ပွား၍ ဆိုင်ခန်းနှင့် ဆိုင်ကယ်အချို့ ပျက်စီးဆုံးရှုံးသွားခဲ့ကြောင်း သတင်းရရှိသည်။ 

ယနေ့ (မေလ ၃ ရက်) ၊ နေ့လည် (၁၂)နာရီခွဲအချိန်ခန့်တွင် ပုသိမ်ကြီးမြို့နယ်၊ ရေတံခွန်တောင် ဂေါက်ကွင်းအနီး၊ ရေတံခွန်တောင်သွားလမ်းရှိ “အဲဗားချစ်” ကြက်ကြော်ဆိုင်တွင်ဖြစ်ပွားခဲ့ကြောင်း သိရ သည်။ 

"Gas အိုးပေါက်ပြီးလောင်တယ်ပြောတယ်။  ဆိုင်ကယ်အချို့နဲ့ ဆိုင်ခန်းပျက်စီးတာတွေ ရှိတယ်" ဟု လူမှုကူညီရေးအသင်း၏တာဝန်ရှိသူတစ်ဦးမှ NP News  ကိုပြောသည်။

အဆိုပါ မီးလောင်မှုအား နယ်မြေခံမီးသတ်ကားများနှင့်အတူ  ကူညီဆောင်ရွက်ခဲ့ပြီးနောက် မိနစ် (၂ဝ)ခန့်အကြာတွင် မီးငြိမ်သွားခဲ့ကြောင်း သိရသည်။ 

ဖြစ်စဉ်ကြောင့် ဆိုင်ကယ်အချို့နှင့် ဆိုင်ခန်းအချို့ မီးလောင်၍ ပျက်စီးဆုံးရှုံးခဲ့ကြောင်း သိရသည်။