ဂျန်ဇက် (NSS) - စက်တင်ဘာ ၂၄

အစ္စရေးထောက်လှမ်းရေးသည် ဝန်ကြီး ချုပ်နေတန်ရာဟုအပါအဝင် အစ္စရေးအစိုးရတာဝန် ရှိသူများကိုလုပ်ကြံရန် ကြိုးပမ်းသူများထဲတွင် ပါဝင်ခဲ့ သောဂျူးလူမျိုးတစ်ဦးကို ဖမ်းဆီးလိုက်ကြောင်း သိရသည်။

အစ္စရေး ပြည်တွင်းထောက်လှမ်းရေးအဖွဲ့ ရှင်ဘတ်က အစ္စရေးအစိုးရတာဝန်ရှိသူများကိုလုပ် ကြံသတ်ဖြတ်မည့် အီရန်နိုင်ငံ၏အစီအစဉ်များတွင် ပူးပေါင်းပါဝင်နေသည့် အသက်(၇၃)နှစ်အရွယ်ရှိ အဘိုးအိုကို ဖမ်းဆီးခဲ့ကြောင်း သတင်းထုတ်ပြန်ထားသည်။

အစ္စရေးထောက်လှမ်းရေးအဖွဲ့က  အက်ရှ်ကီလွန်မြို့တွင်နေထိုင်သော အသက် (၇၃)  နှစ်အ ရွယ်ရှိ မိုတီမာမန်သည် အီရန်နိုင်ငံသို့ နှစ်ကြိမ်တိုင် သွားရောက်ခဲ့ပြီး အီရန်အေးဂျင့်များထံမှ ငွေကြေး များကို လက်ခံရရှိခဲ့ကြောင်း ပြောသည်။ မာမန်သည် တူရကီနိုင်ငံတွင် နှစ်ပေါင်းများစွာရှင်သန်နေထိုင် ခဲ့ဖူးသူဖြစ်ပြီး အီရန်၊ တူရကီနိုင်ငံသားများနှင့် ဆက် နွယ်သော စီးပွားရေး၊ လူမှုရေး လုပ်ငန်းများကို လုပ်ကိုင်ခဲ့ဖူးသူဖြစ်ကြောင်း အစ္စရေး အာဏာပိုင်များက ပြောသည်။

ゞင်းသည် ဧပြီလအတွင်း၌ အီရန်စီးပွား  ရေးလုပ်ငန်းရှင်များနှင့်တွေ့ဆုံဆွေးနွေးခဲ့ကြောင်း၊ အီရန်အာဏာပိုင်များနှင့် တွေ့ဆုံဆွေးနွေးရန် အီရန် နိုင်ငံသို့တရားမဝင်သွားရောက်ခြင်းများရှိခဲ့ကြောင်း အစ္စရေးအာဏာပိုင်များက ပြောသည်။ မာမန်သည် ဩဂုတ်လတွင် အီရန်နိုင်ငံသို့ ထပ်မံသွားရောက်ခဲ့ကာ နေတန်ရာဟုအပါအဝင် အစ္စရေးအစိုးရတာဝန်ရှိသူ များကိုလုပ်ကြံသတ်ဖြတ်ရန်ဆွေးနွေးခဲ့ပြီး လုပ်ကြံ မည့် အစီအစဉ်တွင်ပါဝင်ရမည့်အတွက် ဒေါ်လာ (၁)သန်း တောင်းဆိုခဲ့ကြောင်း အစ္စရေး ထောက်လှမ်း ရေးအဖွဲ့က ပြောသည်။ 

အီရန် အာဏာပိုင်များသည် မာမန်၏တောင်းဆိုချက်များကို ငြင်းဆန်ပယ်ချခဲ့ကြောင်း သိရသည်။ အစ္စရေးနှင့် အီရန်နိုင်ငံတို့သည် ဂါဇာစစ် ပွဲဖြစ်ပွားခဲ့ပြီးနောက်ပိုင်း တင်းမာမှုများ ပိုမိုဖြစ်လာ ခဲ့ရာ အီရန်နိုင်ငံက ဟားမတ်စ်အဖွဲ့ခေါင်းဆောင်တစ်ဦး အီရန်မြေပေါ်တွင် လုပ်ကြံခံရခြင်းကို တုံ့ပြန် ရန် စီစဉ်နေကြောင်းသိရသည်။