အင်္ဂလိပ်ရေလက်ကြားမှာ လှေတစ်စင်းတိမ်းမှောက်ပြီး အနည်းဆုံး (၁၂)ဦးသေဆုံး
ဂျန်ဇက် (NSS) - စက်တင်ဘာ ၅
ဗြိတိန်နဲ့ ပြင်သစ်ကို ပိုင်းခြားထားတဲ့ အင်္ဂလိပ်ရေလက်ကြားမှာ စက်တင် ဘာလ ၃ ရက်နေ့က တရားမဝင် ရွှေ့ပြောင်းနေထိုင်သူတွေကို တင်ဆောင်ခဲ့တယ်လို့ ယူဆရတဲ့ လှေတစ်စင်း တိမ်းမှောက်ခဲ့ပြီး အနည်းဆုံး လူ ၁၂ ဦး သေဆုံးခဲ့တယ်လို့ ပြင်သစ်ရေကြောင်းအာဏာပိုင်တွေက ပြောပါတယ်။
ကယ်ဆယ်ရေးအဖွဲ့တွေဟာ လူ ၆၅ ဦးကို ကယ်ဆယ်နိုင်ခဲ့ပေမဲ့ ၁၂ ဦး သေဆုံးခဲ့ပြီး သေဆုံးသူတွေထဲမှာ ကလေးငယ်တွေလည်းပါဝင်ပြီး ၂ဦးပျောက်ဆုံးနေတယ်လို့ ပြင်သစ်အာဏာပိုင်တွေက ပြောပါတယ်။ အဲဒီလှေဟာ ပြင်သစ်မြောက်ပိုင်းကနေ ဗြိတိန်ဘက် ဦးတည်ပြီး သွားနေခဲ့တာဖြစ်ပြီး လှေပေါ် လိုက်ပါလာသူတွေက ဘယ်သူလဲ၊ ဘယ်ကလဲဆိုတာနဲ့ ပတ်သက်ပြီး အတိအကျမသိဘူးလို့ ဆိုပါတယ်။
ဒါဟာ "အခုနှစ်အတွင်း အဲဒီရေလက်ကြားမှာ လူသေမှုအများဆုံး ဖြစ်တယ်" လို့ ဗြိတိန်အများပြည်သူရုပ်သံလွှင့်ဌာန BBC က ဖော်ပြခဲ့ပါတယ်။ အရှေ့အလယ်ပိုင်းကလာသူတွေ အပါအဝင် ရွှေ့ပြောင်းနေထိုင်သူတွေဟာ ဒုက္ခသည်အဖြစ် လျှောက်ထားဖို့နဲ့ တခြားအကြောင်းရင်းတွေကြောင့် လှေငယ်စီးပြီး ဗြိတိန်ထဲ ခိုးဝင်ဖို့ ဆက်ပြီးကြိုးပမ်းနေကြဆဲဖြစ်သလို အန္တရာယ်ရှိတဲ့ အဲဒီပင်လယ်ပြင် ဖြတ်သန်းမှုတွေမှာ ရာဇဝတ်ဂိုဏ်းအဖွဲ့အစည်းတွေ ပါဝင်ပတ်သက်နေနိုင်တယ်လို့ ဗြိတိန်နဲ့ ပြင်သစ်အစိုးရတို့က သံသယရှိနေပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တပ်မတော်မှ ထိန်းချုပ်နိုင်ခဲ့ပြီဖြစ်သော လွိုင်ကော်မြို့ နှင့် ဆီဆိုင်မြို့သို့ နစက ဥက္ကဋ္ဌ သွားရောက်ခဲ့ကာ မော်တော်ယာဉ်ဖြင့် လှည့်လည်ကြည့်ရှု
RELATED POSTS
22 Nov 2024 | မှုခင်း,ပြည်တွင်း
