Pika (NSS) - ဧပြီ ၁၁

ဖိလစ်ပိုင်ရေတပ်မှ ရဟတ်ယာဉ်တစ်စင်းသည် ဧပြီလ(၁၁)ရက်နေ့တွင် လေ့ကျင့်ပျံသန်းမှုများလုပ်ဆောင်နေစဉ်အချိန်အတွင်း ပျက်ကျခဲ့ပြီးနောက် ရေတပ်လေယာဉ်မှူးနှစ်ဦး သေဆုံးခဲ့ကြောင်း ဖိလစ်ပိုင်စစ်တပ်က ပြောကြားခဲ့သည်။

လေယာဉ်မှူးနှစ်ဦးလိုက်ပါသွားသော Robinson R22 ရဟတ်ယာဉ်သည် မနီလာမြို့တောင်ပိုင်းရှိ ဈေးတစ်ခုအနီးတွင် ပျက်ကျခဲ့ခြင်းဖြစ်ကြောင်း ရေတပ်၏ထုတ်ပြန်ချက်တွင်ရေးသားဖော်ပြထားသည်။ ပျက်ကျမှုဖြစ်ပွားပြီးနောက် လေယာဉ်မှူးများကို အနီးရှိဆေးရုံသို့ ချက် ချင်းပို့ဆောင်ခဲ့သော်လည်း ပျက်ကျမှုအတွင်းရရှိခဲ့သော ဒဏ်ရာများဖြင့် သေဆုံးသွားခဲ့ကြောင်း ရေတပ်ကပြောကြားခဲ့သည်။ Robinson R22 ရဟတ်ယာဉ် ပျက်ကျရသည့်အကြောင်းအရင်းကို သိရှိရန်အတွက် စုံစမ်းစစ်ဆေးမှုများကို ဆက်လက်လုပ်ဆောင်နေကြောင်း ရေတပ်က ပြောကြားခဲ့သည်။ 

ရေတပ်က'ဒီလိုမတော်တဆမှုမျိုး ဘယ်တော့မှထပ်မဖြစ်အောင် ကျွန်တော်တို့ကြိုးပမ်းလုပ်ဆောင်နေပါတယ်။”ဟုပြောဆိုခဲ့သည်။ ဖိလစ်ပိုင်စစ်တပ်သည် ယခင်ကတည်းက လေယာဉ်နှင့်ပတ်သက်သည့် မတော်တဆမှုများကို ကြုံတွေ့ခဲ့ရပြီး ၎င်း၏စစ်ဘက်ဆိုင်ရာပိုင်ဆိုင်မှုများကို အဆင့်မြှင့်တင်မည့်အစီအစဉ်များကို လုပ်ဆောင်လျက်ရှိကြောင်းလည်းသိရသည်။၂၀၂၃ ခုနှစ် ဇန်နဝါရီလတွင် လေ့ကျင့်ပျံသန်းမှုများလုပ်ဆောင်နေသော လေယာဉ်တစ်စင်းပျက်ကျခဲ့ပြီး စစ်ဘက်ဆိုင်ရာလေယာဉ်မှူးနှစ်ဦးသေဆုံးခဲ့ကြောင်းသိရသည်။၂၀၂၁ ခုနှစ်တွင် သူပုန်နှိမ်နှင်းရေး စစ်ဆင်ရေးအတွက် တပ်ဖွဲ့ဝင်များကို သယ်ဆောင်လာသော စစ်လေ ယာဉ်တစ်စင်း ပျက်ကျခဲ့ပြီးနောက် စစ်သား(၅၃)ဦးသေဆုံးခဲ့ဖူးကြောင်းသိရသည်။