ဂျန်ဇက် (NSS) - ဧပြီ ၆

ယူကရိန်း စစ်တပ်သည် ယခုနှစ်အတွင်း ဒရုန်းအစီးရေပေါင်း (၂)သန်းထုတ်လုပ်သွားရန် စီစဉ်ထားကြောင်း ရုရှားအစိုးရအဖွဲ့ ဒုတိယဝန်ကြီးတစ်ဦးဖြစ်သူ Anna Gvozdyar ကထုတ်ဖော်ပြောဆိုလိုက်သည်။

၎င်းက "ဒီနှစ်အတွင်းမှာ မတူညီတဲ့ ဒရုန်းအစီးရေ (၂)သန်းကျော်ထုတ်လုပ်သွားဖို့ စီစဉ်ထားတယ်။"ဟု ပြောသည်။ ယူကရိန်းသည် ဉာဏ်ရည်တု နည်းပညာများကိုအသုံးပြုပြီးဒရုန်းများထုတ်လုပ်ရန်လည်း စီစဉ်လုပ်နေကြောင်း ၎င်းကပြောသည်။ ယူကရိန်းသည် ရုရှားနှင့်ဖြစ်ပွားနေသော စစ်ပွဲအတွင်း ဒရုန်းများကို အဓိကထားအသုံးပြုတိုက်ခိုက်လာခဲ့ပြီးအထူးသဖြင့်တန်းဖိုးနည်းဒရုန်းများကို အဓိကထားအသုံးပြုခဲ့ကြောင်းသိရသည်။

ရုရှားနှင့် ယူကရိန်းကြားဖြစ်ပွားနေသည့် စစ်ပွဲက အချိန် (၂)နှစ်ကျော်ကြာမြင့်နေပြီး အပစ်ခတ်ရပ်စဲရေးရယူနိုင်ခြင်းမရှိသေးကြောင်း သိရသည်။ ယူကရိန်းတို့အသုံးပြုလာသော တန်ဖိုးနည်းဒရုန်းများသည် လူစိတ်ဝင်စားမှုမြင့်တက်လာနေပြီး ရုရှားတို့အသုံးပြုသောတန်ဖိုးမြင့် စစ်လက်နက်ပစ္စည်းများကိုဖျက်ဆီးနိုင်စွမ်းရှိနေကြောင်းသိရသည်။ ယူကရိန်းသည် လက်ရှိအချိန်တွင် အမေရိကန်အပါအဝင် အနောက်အုပ်စုနိုင်ငံများ၏အကူအညီများ ရယူနေပြီး အမေရိကန်နိုင်ငံထံမှအကူညီများမရဘူးဆိုလျှင်စစ်ရှုံးနိမ့်မည်ဟု ကြိုတင်ပြောဆိုထားသည်။ ယူကရိန်းသည် လက်ရှိအချိန်တွင် ဒရုန်းများကိုအဓိကထားတိုက်ခိုက်နေကြောင်းသိရသည်။