ရောင်နီ(NSS) - မတ် ၂၃

         မလေးရှားနိုင်ငံ လာဟတ်ဒါတူမြို့ရှိ သက်မွေးဝမ်းကျောင်း ကောလိပ်တစ်ခုမှာ နားလည်မှုလွဲမှားရာမှ ရန်ပွဲအဖြစ် ပြောင်းလဲသွားပြီး ကျာင်းသားတစ်ဦး စမတ်ဖုန်း အားသွင်းကြိုးနဲ့ သေတဲ့ထိ ရိုက်နှက်ခံခဲ့ရတယ်လို့ သိရပါတယ်။

          အဆိုပါကျောင်းသားဟာ အသက် ၁၇ နှစ်အရွယ်သာ ရှိသေးပြီး မတ်လ ၂၂ ရက်၊ နံနက် ၆ နာရီ ၅၀ မိနစ်ခန့်က တည်းခိုဆောင်တစ်ခုအတွင်းမှာ ဒဏ်ရာတွေနဲ့ သတိလစ်နေခဲ့တာပါ။ ၎င်းကို လာဟတ်ဒါတူ ရဲတပ်ဖွဲ့ (AC) ကောလိပ် ဒါရိုက်တာထံမှ အစီရင်ခံစာ ရရှိလာပြီးနောက် သွားရောက်ကြည့်ရှု စစ်ဆေးခဲ့တာ ဖြစ်ပါတယ်။ အခင်းဖြစ်ပွားရာနေရာကို ရောက်ရှိလာတဲ့ ဆေးဘက်ဆိုင်ရာ အရာရှိတွေရဲ့ စစ်ဆေးချက်အရ ကျောင်းသားဟာ အခင်းဖြစ်နေရာမှာပဲ သေဆုံးသွားခဲ့တယ်လို့ သိရပါတယ်။ သေဆုံးသူရဲ့ ခန္ဓာကိုယ်မှာ ပွန်းပဲ့ဒဏ်ရာတွေ ရှိနေပြီး ၎င်းဟာ ကျောင်း သားအချင်းချင်း နားလည်မှုလွဲမှားခြင်းမှ ဒီလိုအဖြစ်မျိုး ဖြစ်ရခြင်း ဖြစ်တယ်လို့ တာဝန်ရှိသူတွေက ကောက်ချက်ချထားပါတယ်။  

        အခုအချိန်မှာတော့ ရဲတပ်ဖွဲ့ဟာ အသက် ၁၆ နှစ်မှ ၁၉ နှစ်ကြား ကျောင်းသား ၁၃ ဦးကို သံသယနဲ့ ဖမ်းဆီးထားနိုင်ခဲ့ပြီဖြစ်ပြီး ဆက်လက်စုံစမ်းစစ်ဆေးနေတယ်လို့ သိရပါတယ်။