ရောင်နီ (NSS) - မတ် ၂၁

မလေးရှားနိုင်ငံရှိ နိုင်ငံခြားသား ပါက္ကစ္စတန် အလုပ်သမားတစ်ဦးဟာ ၎င်းရဲ့လုပ်ဖော်ကိုင်ဖက် နဲ့ လိမ္မော်ရည် အတူသောက်ရင်း စကားများကာ ဓားနဲ့ထိုးသတ်မှုဖြစ်ပွားခဲ့ပါတယ်။

အမှုဟာ မတ်လ ၁၉ ရက် ည ၇ နာရီ ၂၀ မိနစ်ခန့်က Shah Alam စက်ရုံ၊ အလုပ်သမား ဘော်ဒါဆောင်မှာ ဖြစ်ပွား ခဲ့တာဖြစ်ပါတယ်။ အသက် ၄၉ နှစ်အရွယ် ဘင်္ဂလားဒေ့ရှ်အမျိုးသားတစ်ဦး အခင်းဖြစ်ရာနေရာမှာတင် သေဆုံးသွား ခဲ့ပြီး ပါက္ကစတန်အမျိုးသား ဖမ်းဆီးခံရတယ်လို့ သိရပါတယ်။ စစ်ဆေးမှုများအရ သေဆုံးသူဟာ အလုပ်သမား တည်းခိုဆောင်အဖြစ် ပြောင်းလဲထားတဲ့ သင်္ဘောကွန်တိန်နာတစ်ခုမှာ အသက် ၅၁ နှစ်အရွယ် ပါကစ္စတန် အမျိုးသားတစ်ဦးနဲ့ အတူနေထိုင်ခြင်းဖြစ်ပြီး၊  စုံစမ်းစစ်ဆေးမှုတွေအရ သေဆုံးသူဟာ ပါကစ္စတန်အမျိုးသားနဲ့ အတူ လိမ္မော်ရည်သောက်ခဲ့တယ်လို့ သိရပါတယ်။ အတူလိမ္မော်ရည်သောက်ရင်း စကားများခဲ့ရာမှ ပါကစ္စတန် အမျိုးသားက ဒေါသထွက်ပြီး မီးဖိုချောင်သုံးဓားနဲ့ အကြိမ်ပေါင်းများစွာ ဓားနဲ့ထိုးခဲ့တာဖြစ်ပါတယ်။ တရားခံ ပါကစ္စတန်အမျိုးသားကို အခင်းနေရာမှာတင် ဖမ်းဆီးနိုင်ခဲ့ပါတယ်။ 

အခု တရားခံအမျိုးသားကို လူသတ်မှုနဲ့ စုံစမ်းစစ်ဆေးမှုတွေ လုပ်ဆောင်နေတယ်လို့ သိရပါတယ်။