သန့်ဇင် (NSS) - မတ် ၁၃

ရန်ကုန်တိုင်းဒေသကြီး ၊ ပုဇွန်တောင်မြို့နယ်တွင် YBS-58 ဘတ်စ်ကား ဓားပြတိုက်ခံရမှုဖြစ်စဉ်မှာ မဟုတ်မှန်ကြောင်း Yangon Urban Public Transportation Public Co.,Ltd (YUPT) မှတာဝန်ရှိသူတစ်ဦးက ပြန်လည်ဖြေရှင်းထားသည်။

ဓားပြတိုက်ခံရသည်ဟုဆိုသော ဖြစ်စဉ်မှာ မတ်လ ၁၂ရက်၊ ညနေ ၄နာရီခွဲအချိန်က ပုဇွန်တောင်မြို့နယ်၊ သီတာဆိပ်မှတ်တိုင်တွင် ဖြစ်ပွားခဲ့ခြင်း ဖြစ် ကြောင်း သိရသည်။

ဖြစ်စဉ်သည် YBS-58 ယာဉ်ပေါ် စီးနင်းလာသော ဖုန်းရောင်းဝယ်ပြုလုပ်သူအချင်းချင်းမှ တစ်ဦးက “ဖုန်းဘယ်နှစ်လုံးပါလာသလဲထုတ်”ဟု ပြောဆိုရာ အခြားတစ်ဦးက ဖုန်းထုတ်ပေးခြင်းကို YUPT ပိုင် YBS-58 ယာဉ်တစ်စီးလုံး ဓါးပြအတိုက်ခံရကြောင်း လူမှုကွန်ရက် Facebook စာမျက်နှာများပေါ်တွင် ဖော်ပြထားခဲ့ကြောင်း ရှင်းလင်းချက်အရသိရသည်။

YBS ယာဉ်များပေါ်တွင် CCTV များပြည့်စုံစွာတပ်ဆင်ထားခြင်းကို လစ်လျှူရှုဖော်ပြခြင်းကို ပြင်းထန်စွာကန့်ကွက်ကြောင်းလည်း ပြန်လည် ရှင်းလင်းချက်တွင် ဖော်ပြထားသည်။