ရောင်နီ (NSS) - မတ် ၆ 

ဂျပန်နိုင်ငံရဲ့ အထင်ကရ ဖူဂျီတောင်ကို  တက်ဖို့ တောင်တက်သမားတွေ အများဆုံး အသုံးပြုကြတဲ့ Yoshida Trail  လမ်းကြောင်းအတွက် လမ်းအသုံးပြုစရိတ်ကို ဇူလိုင်လမှ စတင် တောင်တက်သမားတစ်ဦးကို အမေရိကန်ဒေါ်လာ ၁၃ နှုန်း ကောက်ခံသွားမယ်လို့ သိရပါတယ်။   

ယာဉ်ကြောပိတ်ဆို့မှုများ သက်သာစေဖို့နဲ့ ဘေးကင်းလုံခြုံမှု ပိုမိုကောင်းမွန်စေဖို့အတွက်လည်း နံပါတ်တွေကို ကန့်သတ်သွားမယ်လို့ ဒေသဆိုင်ရာတာဝန်ရှိသူတစ်ဦးက အင်္ဂါနေ့ (မတ် ၅)မှာ ပြောကြားခဲ့ပါတယ်။ ကိုဗစ် အလွန်မှာ ဂျပန်နိုင်ငံရဲ့အမြင့်ဆုံးတောင်ကို တက်ရောက်မယ့် လူအုပ်ကြီး တစ်နှစ်ထက်တစ်နှစ် တိုးမြင့်လာသလို ဇူလိုင်မှ စက်တင်ဘာလအထိ တောင်တက်ကာလတစ်ခုကို ခရီးသွား ၂၂၀,၀၀၀ ကျော်ထိ ဆွဲဆောင်လျက် ရှိပါတယ်။ အခုအစီအစဉ်ကတော့ ဇူလိုင် ၁ ရက်မှစ အသက်ဝင်မှာဖြစ်ပြီး Yoshida Trail လမ်းကြောင်းမှ တက်ဖို့ လူတစ်ဦးကို ဝင်ကြေး ယန်း ၂၀၀၀ (အမေရိကန်ဒေါ်လာ ၁၃ ဒေါ်လာ) ကောက်ခံသွားမှာဖြစ်တယ်လို့ သိရပါတယ်။ 

တိုကျိုမှ ရထားနဲ့ လွယ်လွယ်ကူကူသွားလာနိုင်တဲ့ Yoshida Trail ဟာ အားလပ်ရက် အပန်းဖြေခရီးထွက်သူများ အတွက် အကြိုက်ဆုံး ရွေးချယ်မှုဖြစ်ပြီး၊ တောင်တက်သမား ၆၀ ရာခိုင်နှုန်းခန့်က အဲဒီလမ်းကြောင်းကို ရွေးချယ်ကြ တယ်လို့ တရားဝင်အချက်အလက်များအရ သိရပါတယ်။