သန့်ဇင်  (NSS) - မတ်  ၂ 

စစ်ကိုင်းတိုင်း ဝက်လက်မြို့နယ်တွင် PDF အဖွဲ့ဝင်တစ်ဦးက ၎င်းကိုပြန်မကြိုက်သည့် အမျိုးသမီးကို နေအိမ်ခြံဝန်းအတွင်းဝင်ကာ သေနတ်ဖြင့် ပစ်ခတ်သတ်ဖြတ်သည့်အပြင် အခြားသူတစ်ဦးကိုပါ သတ်ရန်ကြိုးပမ်းမှုဖြစ်ပွားခဲ့ကြောင်း ဒေသခံမီဒီယာ အချို့နှင့်ဖြစ်စဉ်ကို သိရှိသူများ၏ ရေးသားပြောကြားထားချက်များအရ သိရသည်။

ဖေဖော်ဝါရီ ၂၆ ရက် ညနေပိုင်း (၄)နာရီအချိန်ခန့်က ဝက်လက်မြို့နယ် သခွတ္တော ကျေးရွာ၌ ယင်းဖြစ်စဉ် ဖြစ်ပွားခဲ့ခြင်းဖြစ် ကြောင်း သိရသည်။ အဆိုပါ ကျေးရွာတွင်နေထိုင်သူ အသက် (၂၂) နှစ်အရွယ် မယုမွန်ထက်သည် ၎င်း၏မိဘများအပြင် လိင်တူချစ်သူဖြစ်သည့် မန္တလေးမြို့မှ အမျိုးသမီးတစ်ဦးနှင့်အတူ နေအိမ်၌ရှိနေစဉ် PDF အဖွဲ့တစ်ဖွဲ့ ဖြစ်သော ဝက်လက်မြို့နယ် တပ်ရင်း ၂ ၏ တပ်စိတ်မှူး ကိုပြည့်ဆိုသူက ရောက်ရှိလာခဲ့ ကြောင်း သိရသည်။

ကိုပြည့်က လိင်တူချစ်သူအမျိုးသမီးကို  ပြန်မကြိုက်ရန်နှင့် ၎င်းကိုကြိုက်ရန်ပြောဆိုခဲ့ရာ မယုမွန် ထက်က လက်မခံသဖြင့်  အသင့်ပါလာသော မောင်းတင်ထားသည့်သေနတ်ဖြင့် မယုမွန်ထက်ကို မိဘများရှေ့တွင်ပင် ပစ်ခတ်သတ်ဖြတ်ခဲ့ခြင်းဖြစ်ကြောင်း သိရသည်။ 

ထို့နောက် အိမ်တွင်အတူရှိနေသည့် မယုမွန် ထက်၏လိင်တူချစ်သူအမျိုးသမီးကို ထပ်မံပစ်ခတ်ရာ ကျည်မထွက်ခြင်းကြောင့် အဆိုပါအမျိုးသမီးမှာ အသက်ချမ်းသာရာရခဲ့ကြောင်း သိရသည်။ သို့သော် လည်း အဆိုပါ အမျိုးသမီးကို ယင်းနေ့တွင် ဝက်လက် တပ်ရင်း ၂ က ဖမ်းဆီးသွားခဲ့ရာ အဆိုပါ အမျိုးသမီး နှင့်ပတ်သက်၍ နောက်ဆက်တွဲအခြေအနေကို သိရခြင်းမရှိသေးပေ။