သန့်ဇင် (NSS) - ဖေဖော်ဝါရီ ၂၁

ရန်ကုန်တိုင်း၊ မင်္ဂလာတောင်ညွှန့်မြို့နယ်တွင် မီးလောင်မှုဖြစ်ပွားခဲ့ရာ လူနေအိမ်(၂)လုံး မီးလောင်ဆုံးရှုံးသွားခဲ့ ကြောင်း ရှင်သန်ရေးလူမှုကူညီရေးအသင်းထံမှ သိရသည်။

မီးလောင်မှုသည် ယနေ့(ဖေဖော်ဝါရီ ၂၁ ရက်)၊ မွန်းလွဲ ၃ နာရီ ၅ဝ မိနစ်အချိန်တွင် မင်္ဂလာတောင်ညွှန့်မြို့နယ်၊ စက်ဆန်းရပ်ကွက်၊ အထက်ပုဇွန်တောင်လမ်း၌ ဖြစ်ပွားခဲ့ခြင်းဖြစ်ကြောင်း သိရသည်။

“ဘယ်က စလောင်လဲတော့ မသိခဲ့ရဘူး။ မီးလောင်ပြီး လူနေအိမ်(၂)လုံးတော့ ပါသွားတယ်။ လူထိခိုက်မှုလဲမရှိခဲ့ပါ ဘူး” ဟု ရှင်သန်ရေးလူမှုကူညီရေးအသင်းမှ တာဝန်ရှိသူတစ်ဦးက NP News ကို ပြောသည်။

အဆိုပါမီးလောင်မှုဖြစ်စဉ်တွင် လူထိခိုက်မှုမရှိခဲ့သော်လည်း လူနေအိမ်(၂)လုံး မီးလောင်ပျက်စီးသွားခဲ့ကြောင်း သိရ သည်။

“အကြံပြုချင်တာကတော့ ရန်ကုန်မြို့က လူနေထူထပ်တယ်။ အခုက မီးကလည်း အချိန်မှန် ပြတ်တာနဲ့ လာတာရှိ တယ်။ အဲဒီတော့ ဘာပဲဖြစ်ဖြစ် အပြင်သွားမယ်ဆို main ချပြီးမှ အပြင်သွားစေချင်တယ်။ နောက်ပြီး အခြားနေရာ တွေကဆိုရင် မီးကြွင်းမီးကျန် သတိထားဖို့ပေါ့။ မီးမပေါ့ဆဖို့ပြောချင်တယ်။ မီးက မိုးရာသီပဲဖြစ်ဖြစ်။ ပွင့်လင်း ရာသီပဲဖြစ်ဖြစ်လောင်တာဆိုပေမယ့် ပွင့်လင်းရာသီ မှာတော့ ပိုပြီးဂရုစိုက်သင့်တယ်” ဟု ၎င်းက အကြံပြုပြောဆို ထားသည်။

ရန်ကုန်မြို့တွင် ယနေ့(ဖေဖော်ဝါရီ ၂၁ ရက်) တစ်ရက်အတွင်း မီးလောင်မှု(၅)ကြိမ်ဖြစ်ပွားခဲ့ပြီး လူနေအိမ်(၂)လုံး၊ ကားတစ်စီး၊ တရားမဝင် စက်သုံးဆီအရောင်းဆိုင်တစ်ဆိုင်တို့မီးလောင်ပျက်စီးသွားခဲ့ပြီး လူတစ်ဦးထိခိုက်ဒဏ်ရာရ ရှိခဲ့ကြောင်း ကနဦးသိရသည်။