Pearl (NSS) - ဖေဖော်ဝါရီ ၆

မလှိုင်မြို့နယ်တွင် ကျောင်းထိုင်ဆရာတော်တစ်ပါး အပါအဝင် (၅)ဦးကို အကြမ်းဖက်အဖွဲ့က  လုပ်ကြံသတ်ဖြတ်ခဲ့ကြောင်း လုံခြုံရေးအဖွဲ့နှင့်နီးစပ်သူထံမှ သိရသည်။ 

ယမန်နေ့ ဖေဖော်ဝါရီ (၅) ရက် ၊ နံနက် ၇ နာရီခန့်တွင် မန္တလေးတိုင်း၊ မိတ္ထီလာခရိုင်၊ မလှိုင်မြို့နယ်၊  သရက်ကန် ရွာသို့  PDF အဖွဲ့ဝင် (၁၀) ဦးခန့်ရောက်ရှိလာပြီး  အဆိုပါကျေးရွာရှိ ကျောင်းထိုင်ဆရာတော် ဥူးဝိဿုတ နှင့် ကပ္ပိယ ဦးစန်းမောင်တို့အား သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ကျည်ဖောက်ဝင်ဒဏ်ရာများရရှိကာ သေဆုံးသွားခဲ့ကြောင်း သိရသည်။ 

အလားတူ ယင်းနေ့၊ နံနက်ပိုင်းတွင် မလှိုင်မြို့နယ်၊ မြင်းဦးလှည့်ကျွေးရွာတွင်နေထိုင်သူများဖြစ်သော မြင်းဦးလှည့် ကျေးရွာတာဝန်ခံ ဦးမောင်ဇော် (၅၂) နှစ်၊ ၎င်း၏ ဇနီးဖြစ်သူဒေါ်သင်းဦး (၄၀) နှစ် နှင့် ဦးကျော်ဇေယျ (၄၅)  နှစ် တို့သည် ၎င်းတို့နေအိမ်အသီးသီး၌ ရှိနေစဉ် PDFအဖွဲ့ဝင် (၆)ဦးက ဆိုင်ကယ်များဖြင့် ရောက်ရှိလာခဲ့ကြောင်း သိရသည်။ 

ထိုသို့ရောက်ရှိလာခဲ့ပြီး ၎င်းတို့အားသေနတ်ဖြင့် ပစ်ခတ်သတ်ဖြတ်ခဲ့သဖြင့် ကျည်ဖောက်ဝင်ဒဏ်ရာများရရှိကာ သေဆုံးသွားခဲ့ကြောင်း သိရသည်။ 

အထက်ပါကဲ့သို့သတ်ဖြတ်ခံခဲ့ရသည့်ရုပ်အလောင်းများကို မလှိုင်ပြည်သူ့ဆေးရုံသို့ ပို့ဆောင်ပေးထားကြောင်း သိရသည်။ 

တပ်မတော်က နိုင်ငံတော်အာဏာရယူခဲ့သည့် ၂ဝ၂၁ ခုနှစ် ဖေဖော်ဝါရီလမှစ၍  လက်ရှိအချိန်ထိ ရဟန်း/ သံဃာများ အပါအဝင် လူပုဂ္ဂလိုလ် စုစုပေါင်း (၆၈ဝဝ)ကျော်  အကြမ်းဖက်သတ်ဖြတ်ခြင်းခံထားရကြောင်း သိရသည်။