ရောင်နီ (NSS) - ဇန်နဝါရီ ၃၁ 

တရုတ်အယူအဆမှာ အနီရောင်ဝတ်ခြင်းဟာ နှစ်သစ်ကူးကာလမှာ ချမ်းသာကြွယ်ဝစေတယ်လို့ ဆိုကြပါတယ်။ ဒါကြောင့် KFC Singapore ကလည်း သူရဲ့ဖောက်သည်တွေအတွက်  ချမ်းသာကြွယ်ဝမှု နိမိတ်ကို ယူဆောင်လာပေးမယ့် Limited-edition အနီရောင် HuatWear ဘောင်းဘီတိုတွေ စတင်ရောင်းချဖို့ ပြင်ဆင်ထားပါတယ်။   

ဒီဘောင်းဘီတိုကို KFC က စင်ကာပူဖုန်းရွှေကျွမ်းကျင်သူ ဂျက်လီနဲ့ တိုင်ပင် ဒီဇိုင်းထုတ်ထားပြီး အနီရောင် ရောင်စုံနဲ့ ပုံဖော်ထားပါတယ်။ ဒါ့အပြင် ကံကောင်းခြင်းနဲ့ ကြီးပွားရေး ဒင်္ဂါးတွေရဲ့ ဘုရားသခင် အပါအဝင် ကောင်းတဲ့သင်္ကေတတွေနဲ့  ရိုက်နှိပ်ထားပါတယ်။ 

အဆိုပါ ဘောင်းဘီတိုကို ဖေဖော်ဝါရီ ၆ ရက်မှစကာ VivoCity၊ Kallang ၊ NEX ၊ West Mall  ၊ Jurong Point NorthPoint City၊ Causeway Point၊ Tampines Mall ဆိုင်တွေမှာ ရယူနိုင်မှာဖြစ်တယ်လို့ သိရပါတယ်။ 

HuatWear ဘောင်းဘီတိုအရေအတွက် ၈၈၈  ခုသာ ထုတ်လုပ်သွားမှာဖြစ်တာကြောင့် လက်သွက်ဖို့လည်း ၎င်းက တိုက်တွန်းထားပါတယ်။ တရုတ်နှစ်ကူးဟာ လာမယ့် ဖေဖော်ဝါရီ ၁၁ ရက်မှာ ကျရောက်မှာဖြစ်ပါတယ်။