တရုတ်စစ်သင်္ဘော၏ ဆိုနာလှိုင်းထုတ်လွှင့်မှုကြောင့် ရေငုပ်သမားများ ထိခိုက်ဒဏ်ရာရရှိခဲ့ကြောင်း ဩစတြေးလျစစ်ဘက် စွပ်စွဲပြောဆို
Pika (NSS) - နိုဝင်ဘာ ၁၉
တရုတ်စစ်သင်္ဘောတစ်စင်းသည် ဂျပန်ကမ်းလွန်ပင်လယ်ပြင်တွင် အန္တရာယ်ဖြစ်စေသည့် ပရော်ဖက်ရှင်နယ် မဆန်သောလုပ်ရပ်များကို လုပ်ဆောင်ခဲ့ကြောင်း ဩစတြေးလျစစ်တပ်က စွပ်စွဲပြောခဲ့သည်။ တရုတ်စစ် သင်္ဘောသည် ဩစတြေးလျရေငုပ်သမားများအနီးတွင် အန္တရာယ်ရှိသော ဆိုနာလှိုင်းများကို ထုတ်လွှင့်ခဲ့ကြောင်း ဩစတြေးလျစစ်တပ်က စွပ်စွဲပြောဆိုခဲ့သည်။
ယခုသီတင်းပတ်အစောပိုင်းတွင် ဂျပန်၏သီးသန့်စီးပွားရေးဇုန်အတွင်း ဩစတြေးလျ၏ ဖရီးဂိတ်သင်္ဘော နှင့် တရုတ်စစ်တပ်၏ ဖျက်သင်္ဘောတို့ တွေ့ဆုံခဲ့မှုနှင့်ပတ်သက်ပြီး ဩစတြေးလျအစိုးရက စိုးရိမ်မိကြောင်း ဩစတြေးလျကာကွယ်ရေးဝန်ကြီး Richard Marles က ပြောကြားခဲ့သည်။
Richard Marles က "ရေငုပ်ခြင်း လုပ်ငန်းစဉ်တွေ လုပ်ဆောင်နေတဲ့အချိန်မှာ တရုတ်စစ်တပ်ရဲ့ဖျက်သင်္ဘောဟာ ကျွန်တော်တို့ရဲ့ ဖရီးဂိတ်သင်္ဘောနားကိုချဉ်းကပ်လာခဲ့တာပါ။ပြီးတော့ ဩစတြေးလျရေငုပ်သမားတွေကို အန္တရာယ်ဖြစ်စေတဲ့ ဆိုနာလှိုင်းတွေကို ထုတ်လွှင်ခဲ့တာကို ကျွန်တော်တို့တွေ့ရှိခဲ့ပါတယ်။ ရေငုပ်ခြင်းလုပ်ငန်းစဉ် လုပ်နေတဲ့ ဩစတြေးလျရေငုပ်သမားတွေဟာ အဲဒီဆိုနာလှိုင်းတွေကြောင့် ရေမျက်နှာပြင်ပေါ်ကို ပြန်တက်လာခဲ့ရ ပါတယ်" ဟု ပြောခဲ့သည်။
တရုတ်၏ ဖျက်သင်္ဘောမှ ဆိုနာလှိုင်းများထုတ်လွှင့်မှုကြောင့် ဩစတြေးလျရေငုပ်သမားများတွင် ထိခိုက်ဒဏ်ရာ များရရှိခဲ့ကြောင်း Richard Marles က ပြောခဲ့သည်။ ပြီးခဲ့သည့်နှစ်တွင် တရုတ်စစ်သင်္ဘောတစ်စင်းသည် ဩစတြေးလျနိုင်ငံမြောက်ပိုင်းတွင် လည်ပတ်နေသော ဩစတြေးလျ၏ ထောက်လှမ်းရေးလေယာဉ်တစ်စင်းကို အားပြင်းသော လေဆာရောင်ခြည်ဖြင့် ထိုးရန် ညွှန်ကြားခဲ့ကြောင်း ဩစတြေးလျအစိုးရက စွပ်စွဲပြောခဲ့သည်။
သို့သော်လည်း ဩစတြေးလျအစိုးရ၏ ပြောဆိုချက်များမှာ မမှန်ကန်ကြောင်းနှင့် တရုတ်စစ်သင်္ဘောသည် နိုင်ငံတကာဥပဒေကို လိုက်နာခဲ့ကြောင်း တရုတ်နိုင်ငံခြားရေးဝန်ကြီးဌာနက နောက်ပိုင်းတွင် ပြန်လည်တုံ့ပြန်ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အနောက်အုပ်စုနိုင်ငံများ၏ စစ်လက်နက်ပစ္စည်းပေးပို့မှု နှောင့်နှေးမှုများကို ယူကရိန်းသမ္မတအကြံပေး ဝေဖန် ပြစ်တင်
RELATED POSTS
24 Oct 2024 | နိုင်ငံရေး,နိုင်ငံတကာ
24 Oct 2024 | နိုင်ငံရေး,နိုင်ငံတကာ
23 Oct 2024 | နိုင်ငံရေး,နိုင်ငံတကာ