အမေရိကန် ရက်ပ်အဆိုတော် မီဂန်၊ တောင်ကိုရီးယား K Pop အဖွဲ့ Twice၊ BTS အဖွဲ့ဝင် RM တို့နဲ့ collaborate သီချင်းထွက်မည်
ရောင်နီ (NSS) - အောက်တိုဘာ ၂၅
အမေရိကန် ရက်ပါ အဆိုတော် မီဂန်သီစတေးလီယွန်ဟာ သူမရဲ့အယ်လ်ဘမ်အသစ် Megan Act II မှာ နာမည်ကြီး K-pop အဖွဲ့တွေဖြစ်တဲ့ Twice နဲ့ BTS အဖွဲ့ဝင် RM တို့နဲ့ collaborate သီချင်းတွေ ပါဝင်ထားတယ်လို့ သိရပါတယ်။
Megan Act II ဟာ သူမရဲ့ ဇွန်လ ၂၀၂၄ ခုနှစ်က ထွက်ရှိတဲ့ အယ်လ်ဘမ် "Megan" ရဲ့ နောက်ဆက်တွဲ အထူးအယ်လ်ဘမ်ဖြစ်ပြီး ယခင်ထွက်ရှိခဲ့တဲ့ သီချင်း(၁၈)ပုဒ်အပြင် သီချင်းအသစ် (၁၃)ပုဒ်ပါရှိမယ်လို့ သိရပါတယ်။ Twice အဖွဲ့နဲ့ collaborate ကတော့ မီဂန်ရဲ့ viral song ဖြစ်တဲ့ Mamushi Remix မှာ ပါဝင်မှာဖြစ်ပြီး စင်ပေါ်မှာ ဒီအကြောင်းကို Twice Twice အဖွဲ့ကလည်း မကြာသေးခင်က ပြုလုပ်တဲ့ ပရိတ်သတ်တွေ့ဆုံ ဖျော်ဖြေပွဲမှာ အရိပ်အမြွက်ပြောခဲ့ပါတယ်။ BTS အဖွဲ့ဝင် RM နဲ့ကတော့ Neva Play သီချင်းမှာ collaborate လုပ်မှာဖြစ်ပါတယ်။
အခုတလော အနောက်တိုင်း အဆိုတော်တွေနဲ့ အာရှအဆိုတော်တွေ collaborate လုပ်ပြီး သီချင်းသစ် ထွက်ရှိနေတာတွေ ရေပန်းစားနေတယ်လို့ ဆိုနိုင်ပါတယ်။ အောက်တို ဘာ ၁၈ ရက်ကလည်း Blackpink အဖွဲ့ဝင် Rose နဲ့ ဘရူနိုမက်ခ် collaborate လုပ်ထားတဲ့ သီချင်းသစ် APT ဟာ အချိန်တိုအတွင်း Youtube view သန်း(၁၀၀)ရရှိခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အမေရိကန် မင်းသား တွမ်ဟော်လန်က Spider-Man 4 ကို ၂ဝ၂၅ ခုနှစ်မှာ စတင်ရိုက်ကူးမယ်လို့ အတည်ပြု
RELATED POSTS
25 Oct 2024 | အနုပညာ,နိုင်ငံတကာ
24 Oct 2024 | အနုပညာ,နိုင်ငံတကာ
16 Oct 2024 | အနုပညာ,နိုင်ငံတကာ
04 Oct 2024 | အနုပညာ,နိုင်ငံတကာ