ရောင်နီ (NSS) - အောက်တိုဘာ ၂၄ 

          တောင်ကိုရီးယား အမျိုးသမီး K POP အဖွဲ့ BLACKPINK ရဲ့ အဖွဲ့ဝင် Rosé ဟာ ၂၀၂၄ ခုနှစ်မှာ စံချိန်သစ် တင်ခဲ့ပါတယ်။

          အောက်တိုဘာလ ၁၈ ရက်၊ နေ့လည် ၁ နာရီက Rosé ဟာ နာမည်ကျော် အဆို တော် ဘရူနိုမက်ခ်နဲ့ သီဆိုထားတဲ့ "APT" လို့ အမည်ရတဲ့ သီချင်းကို အောက်တိုဘာ ၂၃ ရက်၊ ညနေ ၄ နာရီ ၁၁ မိနစ်ခန့်က Youtube မှာ တင်ခဲ့ပါတယ်။ ဗီဒီယိုဟာ (၅)ရက်အ တွင်း ကြည့်ရှုသူသန်း(၁၀၀)ရရှိခဲ့ပါတယ်။ ဒါဟာ Rose အတွက် ၂၀၂၄ ခုနှစ်အတွင်း ကြည့်ရှုမှု သန်း(၁၀၀)အမြန်ဆုံးရရှိတဲ့ K-pop အနုပညာရှင် ဖြစ်လာစေခဲ့ပါတယ်။ Rose ဟာ ၂၀၂၁ ခုနှစ်မှာ "On the Ground"၊ ၂၀၂၂ ခုနှစ်မှာ "Gone" ဆိုတဲ့ solo album တွေ ထွက်ရှိခဲ့ပြီး (၂)နှစ်ကျော်ကြာခဲ့ပြီးမှ အခု "APT" သီချင်း ထွက်ရှိလာခဲ့တာ ဖြစ်ပါတယ်။ 

       ဒီနှစ်ထဲမှာ Blackpink အဖွဲ့ဝင် ဂျင်းနီကလည်း "Mantra” နဲ့ Solo သီချင်းသစ် ထွက်ရှိခဲ့ပါတယ်။ ဂျင်းနီရဲ့ "Mantra" သီချင်းဟာ ယခုသီတင်းပတ် အတွင်းမှာပဲ Official Singles Downloads Chart မှာ Rank နံပါတ် ၃ နေရာကို ရရှိခဲ့ပါတယ်။ အဖွဲ့ဝင် လီဆာကလည်း "Moonlit Floor" ဆိုတဲ့ ဆိုလိုသီချင်းသစ် ထပ်မံထွက်ရှိခဲ့ပါတယ်။ Blackpink အဖွဲ့ဟာ YG Entertainment နဲ့ စာချုပ်ချုပ်ဆိုထားဆဲဖြစ်ပေမယ့် အဖွဲ့လိုက်သီချင်း အယ်လ်ဘမ် ထွက်ရှိတာမျိုး တွေ့လာရခြင်း မရှိသေးဘဲ Blackpink member တစ်ယောက်ချင်းစီရဲ့ Solo comeback တွေကတော့ အဖွဲ့ဝင် ဂျီဆိုးကလွဲလို့ အခြားအဖွဲ့ဝင်တွေ (၃) ယောက်ဟာ ဆက်တိုက်ဆိုသလို ခပ်စိပ်စိပ် ထွက်လာနေတာ တွေ့ရပါတယ်။