Pika (NSS) - ဇူလိုင် ၂၂

Princess Cruises ကော်ပိုရေးရှင်းသည် Sun Princess အပျော်စီးသင်္ဘောပေါ်တွင် အကြီးဆုံးပီဇာ ပါတီကို ကျင်းပခဲ့ပြီးနောက် ကမ္ဘာ့ဂင်းနစ်စံချိန်ကို ချိုးဖျက်နိုင်ခဲ့ကြောင်းသိရသည်။ အဆိုပါအပျော်စီး သင်္ဘောသည် ဆန်ဖရန်စ္စ ကိုမြို့ရှိ Tony's Pizza Napoletana ဆိုင်မှ စားဖိုမှူး  Tony Gemignani နှင့်ပူးပေါင်းကာ သင်္ဘောပေါ်တွင် ပီဇာများမျှ ဝေပေးခြင်းဖြင့် ကမ္ဘာ့ဂင်းနစ်စံချိန်ချိုးဖျက်နိုင်ရန် ကြိုးပမ်းခဲ့ခြင်းဖြစ်ကြောင်းသိရသည်။ 

အပျော်စီးသင်္ဘောတစ်လျှောက် ပီဇာအချပ်ရေ(၆)သောင်းကျော်ကို မျှဝေပေးခဲ့ပြီး ကမ္ဘာပေါ်တွင်အကြီးဆုံးပီဇာပါတီအတွက် ဂင်းနစ်စံချိန် တင်နိုင်ခဲ့ကြောင်း ဂင်းနစ်စံချိန်မှတ်တမ်း အဖွဲ့တာဝန်ရှိသူတစ်ဦးကအတည်ပြုခဲ့သည်။ အဆိုပါဂင်းနစ်စံချိန်ကိုချိုး ဖျက်ရန်အတွက် ကြိုးပမ်းမှုတွင် ဂျုံ(၆၅၁၂)ပေါင်၊ ဂျုံမှုန့်(၃၄၁၇)ပေါင်၊ pepperoni (၁၃၉၃)ပေါင်နှင့် ဒိန်ခဲ(၂၃၂၃) ပေါင်လိုအပ်ခဲ့ကြောင်း Princess Cruises အပျော်စီးသင်္ဘော၏ အစားအသောက်ဝန်ဆောင်မှုအဖွဲ့က ပြောကြားခဲ့ သည်။ အပျော်စီးသင်္ဘောပေါ်မှ တာဝန်ရှိသူများ၏ ဆန္ဒအရ ပီဇာအသစ်နှစ်မျိုးကို  Tony Gemignani က ဖန်တီးပေးခဲ့ကြောင်း လည်းသိရသည်။ 

အဆိုပါ ပီဇာအသစ်တွင် Soppressata ဝက်အူချောင်း၊ ပျားရည်အပူ၊ agave pesto နှင့် လတ်ဆတ်သော ဆိတ်နို့ဒိန်ခဲတို့ကဲ့သို့သော ပါဝင်ပစ္စည်းများ ပါဝင်ကြောင်းလည်းသိရသည်။ ပီဇာအသစ်(၂)မျိုးအပြင် Tony Gemignani ၏ အမှတ်အသားပါသော ပီဇာသုံးမျိုးတို့ကို Sun Princess အပျော်စီးသင်္ဘောပေါ်ရှိ စားသောက် ဆိုင်တွင် ရရှိနေပြီဖြစ်ပြီး လာမည့်နွေရာသီနှောင်းပိုင်းတွင် Princess Cruises ၏ အခြားသင်္ဘောများပေါ်တွင် ရရှိနိုင်မည်ဖြစ်ကြောင်းလည်းသိရသည်။