မျက်လုံးဘေးနားအသားကိုအသုံးပြုပြီး ကမ္ဘာ့ဂင်းနစ်စံချိန်နှစ်ခုချိုးဖျက်ခဲ့တဲ့ အမေရိကန်အမျိုးသား
![](http://nssmy.com/original_post_images/f-12366-19-07-2024669a03fd58af9.jpg)
Pika (NSS) - ဇူလိုင် ၂ဝ
အမေရိကန်နိုင်ငံ နီဗားဒါးပြည်နယ် လတ်စ်ဗီးဂတ်စ် မြို့မှ အမျိုးသားတစ်ဦးသည် ၎င်း၏မျက်လုံး ဘေးနားအသားကိုအသုံးပြုကာ ကမ္ဘာ့ဂင်းနစ်စံချိန် နှစ်ခုကို ချိုးဖျက်နိုင်ခဲ့ကြောင်းသိရသည်။ အန်ဒရူး စတန်တန် အမည်ရှိအမျိုးသားသည် မီလန်မြို့တွင် ကျင်းပသော အီတလီတီဗီစီးရီး Lo Show Dei Record တွင်ပါဝင်ခဲ့ပြီးနောက် ယခုလို ဂင်းနစ်စံချိန် ချိုးဖျက်နိုင်ခဲ့ခြင်းဖြစ်သည်။ အန်ဒရူးစတန်တန်သည် မျက်လုံးဘေးနား အသားကိုအသုံးပြုကာ အလေးဆုံး အလေးချိန်ကိုဆွဲပြနိုင်ခဲ့သည့် ဂင်းနစ်စံချိန်နှင့် ဓားကို မျိုချနေစဉ်အချိန်အတွင်း မျက်လုံးဘေးနားအသား ဖြင့် အလေးဆုံးအလေးချိန်တို့ကို မြှောက်ပြ နိုင်ခဲ့သည့်ဂင်းနစ်စံချိန်တို့ကို ရယူနိုင်ခဲ့ခြင်းဖြစ်ကြောင်းလည်း သိရသည်။ ပထမဂင်းနစ်စံချိန်အတွက် အန်ဒရူးစတန်တန်သည် ကြီးမားသော သတ္တုချိတ်နှစ်ခုကို ၎င်း၏မျက်လုံးဘေးနားအသားတွင်ချိတ်ကာ (၅၃၁၉ ဒသမ ၇၅)ပေါင်ရှိပြီး ယာဉ်မောင်းပါရှိသည့် Cadillac ကားကို ဆွဲပြခဲ့ခြင်းဖြစ်ကြောင်းသိရသည်။
ထို့နောက် အန်ဒရူးစတန်တန်သည် ဓားကိုမျိုချ နေစဉ်အချိန်အတွင်း မျက်လုံးဘေးနား အသား တွင် သတ္တုချိတ်နှစ်ခုချိတ်ကာ(၁၂၉ ဒသမ ၆၃)ပေါင် လေးသော ၎င်း၏လက်ထောက်ကို မြှောက်ပြနိုင်ခဲ့ ခြင်းအတွက် ဂင်းနစ်စံချိန်ချိုးဖျက်နိုင်ခဲ့ကြောင်းသိရသည်။ ထို့ပြင် အန်ဒရူးစတန်တန်သည် ဓားကိုမျိုချ နေစဉ် အချိန်အတွင်း မျက်လုံးဘေးနားအသားကိုအသုံးပြုကာ အလေးဆုံး အလေးချိန်ကို မြှောက်ပြနိုင်ခဲ့ သည့် ဂင်းနစ်စံချိန်ကို ပထမဆုံးကိုင်ဆောင်သူဖြစ်လာခဲ့ကြောင်းလည်း သိရသည်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အာဆီယံဒေသအတွင်း တရုတ်နိုင်ငံက ရင်းနှီးမြှုပ်နှံမှုနှင့်စီးပွားရေးလုပ်ငန်း အများဆုံး နိုင်ငံများစာရင်းတွင် မြန်မာနိုင်ငံက အဆင့်(၅)နေရာတွင် ရပ်တည်နေ
RELATED POSTS
07 Sep 2024 | ဗဟုသုတ,ပြည်တွင်း
07 Sep 2024 | ဗဟုသုတ,နိုင်ငံတကာ
07 Sep 2024 | ဗဟုသုတ,နိုင်ငံတကာ
06 Sep 2024 | ဗဟုသုတ,နိုင်ငံတကာ