ကမ္ဘာ့ဂင်းနစ်စံချိန်ချိုးဖျက်ခဲ့တဲ့ အီတလီသက်ကြီးရွယ်အို စုဝေးပွဲ
![](http://nssmy.com/original_post_images/f-12361-19-07-20246699fd192908c.jpg)
Pika (NSS) - ဇူလိုင် ၁၉
အီတလီအငြိမ်းစားအဖွဲ့အစည်း၏ နှစ်စဉ်ကျင်းပ မြဲဖြစ်သော နှစ်ပေါင်းရာကျော် သက်ကြီး ရွယ်အို စုဝေးပွဲအခမ်းအနားကို အနည်းဆုံး အသက်(၁၀ဝ)နှစ်ရှိသည့် သက်ကြီးရွယ်အို(၇၀)ဦးခန့် တက်ရောက်ခဲ့ပြီးနောက် ကမ္ဘာ့ဂင်းနစ်စံချိန်ကိုချိုးဖျက်နိုင်ခဲ့ကြောင်း သိရသည်။
ဗီနီတိုနှင့်ဂိုရီဇီရာဒေသတို့ရှိ အငြိမ်းစားနေအိမ် (၁၁)လုံးကို လည်ပတ်နေသည့် Fondazione Opera Immacolata အဖွဲ့အစည်းသည် နှစ်ပေါင်း ရာကျော် သက်ကြီးရွယ်အိုများစုဝေးပွဲအခမ်းအနားကို ကျင်းပလာခဲ့သည်မှာ(၁၅)နှစ်ခန့်ရှိပြီဖြစ်ပြီး အဆိုပါ စုဝေးပွဲမှာ တဖြည်းဖြည်းကြီးထွားလာခဲ့ကြောင်း လည်းသိရသည်။ ယခုနှစ်အတွက် အီတလီနိုင်ငံ Padua မြို့တွင်ကျင်းပသော သက်ကြီးရွယ်အိုစုဝေးပွဲကို ဂင်းနစ်စံချိန် မှတ်တမ်းတာဝန်ရှိသူတစ်ဦးအား ဖိတ်ခေါ်ခဲ့ပြီးနောက် ယခုလို ဂင်းနစ်စံချိန်တင်နိုင်ခဲ့ခြင်း ဖြစ်ကြောင်းလည်း သိရသည်။
အဆိုပါအခမ်းအနားကိုတက်ရောက်ခဲ့သူ(၇၀)ဦးသည် အသက်(၁၀ဝ)ကျော်ပြီဖြစ်ကြောင်း ဂင်းနစ် စံချိန်မှတ်တမ်းအဖွဲ့က ပြောကြားခဲ့သည်။ အီတလီ နိုင်ငံတွင်ကျင်းပသော သက်ကြီးရွယ်အို စုဝေးပွဲ အခမ်းအနားသည် နှစ်ပေါင်းရာကျော်သက်ကြီးရွယ်အိုများ အများဆုံးစုဝေးနိုင်ခဲ့ခြင်းအတွက် ဂင်းနစ်စံချိန်ချိုးဖျက်နိုင်ခဲ့ခြင်းဖြစ်ကြောင်းသိရသည်။ ယင်းဂင်းနစ်စံချိန်ကို ယခင်ကိုင်ဆောင်ထားသူမှာ ၂၀၁၆ ခုနှစ်က ဩစတြေးလျနိုင်ငံတွင်ကျင်းပခဲ့သော သက်ကြီးရွယ်အို စုဝေးပွဲဖြစ်ပြီး အသက်(၁၀ဝ) ကျော် ရှိသည့် သက်ကြီးရွယ်အို(၄၅)ဦးတက်ရောက်ခဲ့ကြောင်းလည်း သိရသည်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
“သွေးလွန်တုပ်ကွေးအန္တရာယ်ကနေ ကလေးငယ်တွေကို ကာကွယ်ပါ ’’ (အင်တာဗျူး)
RELATED POSTS
07 Sep 2024 | ဗဟုသုတ,ပြည်တွင်း
07 Sep 2024 | ဗဟုသုတ,နိုင်ငံတကာ
07 Sep 2024 | ဗဟုသုတ,နိုင်ငံတကာ
06 Sep 2024 | ဗဟုသုတ,နိုင်ငံတကာ