ဂျန်ဇက် (NSS) - ဇန်နဝါရီ ၂ဝ

အမေရိကန်သမ္မတဂျိုးဘိုင်ဒန်ဟာ ပါလက်စတိုင်းအရေး အဖြေရှာနိုင်ဖို့ ပါလက်စတိုင်းကို နိုင်ငံအဖြစ် အသိအ မှတ်ပြုဖို့ နဲ့ ပါလက်စတိုင်း၊ အစ္စရေး နှစ်နိုင်ငံဆိုတဲ့ဆုံးဖြတ်ချက်ကို လက်ခံစေလိုကြောင်း တိုက်တွန်းတောင်းဆိုလိုက်ကြောင်းသိရပါတယ်။

အမေရိကန်သမ္မတဟာ ပြီးခဲ့တဲ့ရက်ပိုင်းက အစ္စရေးဝန်ကြီးချုပ်နေတန်ရာဟုနဲ့တွေ့ဆုံဆွေးနွေးချိန်အတွင်းပါလက်စတိုင်းကို နိုင်ငံအဖြစ် အသိမှတ်ပြုရေးနဲ့ပတ် သက်ပြီး တွေ့ဆုံဆွေးနွေးခဲ့ကြောင်း သိရပါတယ်။ အမေရိကန်သမ္မတဟာ အစ္စရေးဝန်ကြီးချုပ်နေတန်ရာဟုနဲ့တစ်လနီးပါးအတွင်း ပထမဆုံးအကြိမ်တွေ့ဆုံဆွေးနွေးခဲ့ပြီး ဂါဇာဒေသမှာပြုလုပ်နေတဲ့ အစ္စရေးရဲ့တိုက်ခိုက်မှုတွေကို ဆွေးနွေးခဲ့ကြောင်းသိရပါတယ်။ အစ္စရေးဝန် ကြီးချုပ်နေတန်ရာဟုက ဟားမက်စ်အဖွဲ့ကို အမြစ်ပြတ်ချေမှုန်းနိုင်ဖို့ အပြည့်အဝနိုင်ပွဲမရသေးဘူးဆိုရင် အခြားကိစ္စတွေကို ဆွေးနွေးဖြေရှင်းမှာမဟုတ်သေးကြောင်း မကြာသေးမီကပြောခဲ့ဖူးပါတယ်။

အမေရိကန်အစိုးရအဖွဲ့ပြောရေးဆိုခွင့်ရှိသူ ဂျွန်ကာဘိုင်က ဂျိုးဘိုင်ဒန်ဟာ ၎င်းရဲ့ပါလက်စတိုင်းပဋိပက္ခအရေးနဲ့ပတ်သက်ပြီး အချိန်အတန်ကြာကြိုးပမ်းနေခဲ့ကြောင်းဆိုပါတယ်။ အမေရိကန်သမ္မတက အစ္စရေးဝန်ကြီးချုပ်ဟာ အစ္စရေးနဲ့ပါလက်စတိုင်း နှစ်နိုင်ငံဆိုတဲ့အချက်ကို ဆန့်ကျင်မှုမရှိကြောင်း၊ နှစ်နိုင်ငံ အတူရပ်တည်ရေးဆိုတဲ့အချက်ကိုလက်ခံဖို့ အကြိမ်များစွာကြိုးပမ်းရမှာဖြစ် ကြောင်း၊ ကုလသမဂ္ဂအဖွဲ့ဝင်နိုင်ငံတွေထဲမှာ စစ်တပ်မရှိတဲ့နိုင်ငံတွေရှိနေကြောင်း ဆိုပါတယ်။

အစ္စရေးဝန်ကြီးချုပ်ဟာ ၎င်းနိုင်ငံ လုံခြုံရေးနဲ့ပတ်သက်ပြီး စိုးရိမ်မှုရှိနေတဲ့အတွက် ပါလက်စတိုင်းကို နိုင်ငံတစ် နိုင်ငံအဖြစ် တရားဝင်အသိမှတ်ပြုပေးဖို့ ငြင်းဆန်ခဲ့တာမျိုးတွေရှိနေကြောင်းသိရပါတယ်။ အမေရိကန်သမ္မတက "ပါလက်စတိုင်းအရေးအဖြေရှာနိုင်ဖို့ ကျွန်တော်တို့ တစ်ခုခုလုပ်နိုင်မယ်ထင်ပါတယ်။ အဲဒီလိုမျိုးလုပ်ဆောင်နိုင်ဖို့ နည်းလမ်းတွေရှာရမယ်"လို့ ပြောပါတယ်။

အမေရိကန်သမ္မတဟာ ဂါဇာစစ်ပွဲနဲ့ပတ်သက်ပြီး ပါလက်စတိုင်းလူမျိုးသေဆုံးမှုလျော့နည်းအောင်လုပ် ဆောင်ဖို့ အစ္စရေးအစိုးရကို ဖိအားပေးတာမျိုးတွေရှိနေခဲ့ကြောင်းသိရပါတယ်။