ဂျန်ဇက် (NSS) - ဇန်နဝါရီ ၁၃

အမေရိကန်နိုင်ငံမှာ ရာသီဥတု အခြေနေဆိုးရွားနေမှုကြောင့် နိုင်ငံတဝန်းမှာ လေကြောင်းခရီးစဉ် ၂၀၀၀ ကျော် ဖျက်သိမ်းလိုက်ရကြောင်းသိရပါတယ်။ 

အမေရိကန်နိုင်ငံမှာ ဆီးနှင်းများထူထပ်စွာကျဆင်းနေခြင်းကြောင့် အလင်းကို သဲကွဲစွာမမြင်ရတဲ့အတွက်လေကြောင်းခရီးစဉ်တွေကိုဖျက်သိမ်းခဲ့ရတာဖြစ် ကြောင်း အမေရိကန်မီဒီယာတွေမှာ ဖော်ပြထားပါတယ်။ အမေရိကန်တောင်ပိုင်း နဲ့ အရှေ့မြောက်ပိုင်းဒေသတွေမှာ ဆီးနှင်းများထူထပ်စွာကျဆင်းနေပြီး လေတိုက်နှုန်းက တစ်နာရီ ၈၀ ကီလိုမီတာအထိရှိနေကြောင်းသိရပါတယ်။ ဆီးနှင်းတွေ ထူထပ်စွာကျဆင်းနေမှုကြောင့် လမ်းတွေလည်း ပိတ်ဆို့နေပြီး ကားမောင်းရာမှာ အခက်အခဲတွေရှိနေကြောင်းသိရပါတယ်။ 

ရာသီဥတု ဆိုးရွားမှုတွေကြောင့် ခရီးသွားဖို့ အခက်အခဲတွေဖြစ်နေရပြီး ကားလမ်းတွေနဲ့ လေကြောင်းခရီးစဉ်တွေ ဖျက်သိမ်းရတာ၊ ဆိုင်းငံ့ရတာမျိုးတွေ ပိုမိုဖြစ်ပွားလာနေကြောင်းသိရပါတယ်။ ဆီးနှင်းများထူထပ်စွာကျဆင်းမှုတွေကြောင့် ဆီးနှင်းထုဟာ ၆ လက်မကနေ ၁၂ လက်မအထိရှိနေပြီး အခက်အခဲတွေရှိနေခဲ့ကြောင်းသိရပါတယ်။

အမေရိကန်နိုင်ငံတောင်ပိုင်းဒေသတွေမှာ လေပြင်းတိုက်ခိုက်မှုတွေအပြင် မုန်တိုင်းဝင်ရောက်မှုတွေရှိလာမှာကိုလည်း စိုးရိမ်မှုမြင့်တက်နေကြောင်းသိရပါတယ်။အမေရိကန်နိုင်ငံမှာ ဇန်နဝါရီလ ၁၃ ရက်မှစတင်ပြီး အအေးပိုခဲ့ကာ အပူချိန်ကျဆင်းမှုတွေရှိလာနေကြောင်း အေမရိကန်မီဒီယာတွေကဖော်ပြထားပါတယ်။